Dibundu ya Yehowa ke bakaka na valere lusadisu yina bampangi-bankento ke pesaka na kisalu ya Kimfumu. (Nk 68:11) Bo ke twadisaka balongoki mingi ya Biblia. Bapasudi-nzila mingi ya ntangu yonso kele bampangi-bankento. Bamingi na kati na bo ke sadilaka Yehowa na betele, bo kele bamisionere, bo ke sadilaka Yehowa na kisalu ya kutunga to bo kele bavolontere na kisalu yango, mpi bo ke salaka kisalu ya kubalula mikanda mpi bavideo. Bampangi-bankento ya kuyela na kimpeve ke pesaka bantu ya mabuta na bo mpi bampangi na mabundu kikesa. (Bin 14:1) Ata bampangi-bankento ke kumaka ve bankuluntu to bansadi ya kisalu, bo lenda kuditudila balukanu na dibundu. Kana nge kele mpangi-nkento, nge lenda kuditudila nki balukanu?

• Kuyedisa bikalulu ya mbote.—1Tm 3:11; 1Pi 3:3-6

• Kusadisa bampangi-bankento ya dibundu na beno yina kele ve ti eksperiansi mingi.—Tit 2:3-5

• Kulutisa ntangu mingi na kulonga nsangu ya mbote mpi kukuma kulonga yo mbote

• Kulonguka ndinga ya nkaka

• Kukwenda kisika yina mpusa kele mingi

• Kufulusa formilere sambu na kukwenda na Betele to kupesa maboko na kisalu ya kutunga

• Kufulusa formilere sambu na kukota Nzo-Nkanda ya Bansamuni ya Kimfumu

TALA VIDEO “BANKENTO YINA KE SALA NGOLO NA KISALU YA MFUMU,” MPI NA NIMA BENO PESA MVUTU NA NGIUFULA YAI:

• Inki me pesa nge kikesa na mambu yina konso mpangi-nkento me tuba?