ZINGA MUTINDU BAKRISTU FWETE ZINGA
Zola Kele Kidimbu ya Bakristu ya Kieleka—Tanina Bumosi
MFUNU NA YO: Na mpimpa na ntwala ya lufwa na yandi, Yezu sambaka sambu nde balongoki na yandi ‘kukuma na bumosi kibeni.’ (Yoa 17:23 noti na nsi ya lutiti) Sambu na kulanda kuvanda na bumosi, beto fwete monisa zola yina “ke bumbaka ve mbi yina bo me sala yo.”—1Bk 13:5.
MUTINDU YA KUSALA YO:
-
Beto fwete landa mbandu ya Yehowa ntangu beto ke sosa mambu ya mbote yina bantu ya nkaka kele na yo
-
Beto fwete lolula na luzolo yonso
-
Beto fwete yidika makambu, mpi ke vutukila yo diaka ve.—Bin 17:9
SONGA VIDEO ‘BENO ZOLANA BENO NA BENO’—KUBUMBA VE MBI YINA BO ME SALA NGE, NA NIMA BENO PESA MVUTU NA BANGIUFULA YAI KE LANDA:
-
Na kitini ya ntete ya video, nki mutindu Helen monisaka nde yandi ‘bumbaka mbi yina bo salaka yandi’?
-
Na kitini ya zole ya video, nki mutindu Helen sobaka bangindu na yandi ya mbi mpi kumaka ti bangindu ya mbote?
-
Inki Helen salaka sambu na kutanina bumosi ya dibundu?
Beto ta pesa nani mpasi mingi kana beto me bumba mbi yina bo me sala beto?
