BIMVWAMA YA NDINGA YA NZAMBI | KUBASIKA 33-34
Bikalulu ya Kitoko ya Yehowa
Moize vandaka kusepela ti bikalulu ya Yehowa, yo yina yandi sadilaka bantu ya Izraele mambu na ntima-nda yonso. Kiteso mosi, kana beto ke bakisa kibeni bikalulu ya Yehowa, beto lenda wila bampangi na beto mawa ntangu beto ke sadila bo mambu.
-
‘Yandi ke wilaka bantu mawa mpi ke fwilaka bo nkenda’: Yehowa ke sadilaka bantu yina ke sambilaka yandi mambu na mawete, na zola mpi yandi ke kudibanzaka kibeni sambu na bo kaka mutindu bibuti ke salaka yo sambu na kutanina bana na bo
-
“Yandi ke waka makasi nswalu ve”: Yehowa ke vandaka ntima-nda ntangu yandi ke sadilaka bansadi na yandi mambu. Yandi ke monisilaka bo ntima-nda kana bo me sala bifu mpi ke bikilaka bo ntangu ya kusoba
-
‘Yandi kele ya kufuluka na zola ya kwikama’: Zola ya Yehowa sambu na bansadi na yandi kele ya kwikama, yo yina kinduku na yandi ti bo ta zinga kimakulu
KUDIYULA: ‘Inki mutindu mono lenda landa mbandu ya mawa mpi ya nkenda yina Yehowa ke vandaka ti yo?’
