Bantu mingi ke tudilaka ve bantu yina kele ti kiyeka ntima. Sambu na nki? Sambu banda ntama, bantu ke sadilaka kiyeka na bo sambu na mambote na bo mosi. (Mik 7:3) Beto ke vandaka na kiese mingi sambu bo ke longaka bankuluntu na kusadila kiyeka na bo sambu na mambote ya bansadi ya Yehowa.​—Est 10:3; Mat 20:25, 26.

Bankuluntu kele ve bonso bamfumu ya nsi-ntoto yai. Bo ke lungisaka mukumba na bo ya kinkuluntu sambu bo ke zolaka Yehowa mpi bansadi na yandi. (Yoa 21:16; 1Pi 5:1-3) Bo ke landaka lutwadisu ya Yezu mpi bo ke sadisaka konso nsamuni na kuvanda na kiese ya kuvanda na dibuta ya Yehowa mpi na kubikala pene-pene na yandi. Bo ke vandaka ya kuyilama na kupesa nswalu bansadi ya Yehowa kikesa mpi na kusadisa bo kana yo ke lomba nde bo sansa bo nswalu to kana kisumbula me salama. Kana nge kele ti mfunu ya lusadisu, solula ti nkuluntu mosi ya dibundu na beno.​—Yak 5:14.

BENO TALA VIDEO BANGUNGUDI YINA KE TANINAKA MAMEME MPI NA NIMA BENO PESA BAMVUTU NA BANGIUFULA YAI:

• Inki mutindu lusadisu yina bankuluntu pesaka mpangi Mariana natilaka yandi mambote?

  Your answer

• Inki mutindu lusadisu yina bankuluntu pesaka mpangi Elias natilaka yandi mambote?

  Your answer

• Mutindu video me monisa yo, kisalu ya bankuluntu ke salaka ke pusaka nge na kuwa nki mutindu?

  Your answer