7-13 octobre
BANKUNGA 92-95
Nkunga 84 mpi Kisambu | Bangogo ya Luyantiku (Mun. 1)
1. Kusadila Yehowa Kele Mutindu ya Kuvanda ti Luzingu ya Kuluta Mbote
(Min. 10)
Yo me fwana nde beto sambila Yehowa (Nk 92:1, 4; w18.04 26 § 5)
Yandi ke sadisaka bansadi na yandi na kubaka balukanu mpi na kuvanda na kiese (Nk 92:5; w18.11 20 § 8)
Yandi ke bakaka bantu yina ke sadilaka yandi na valere ata bo me kuma minunu (Nk 92:12-15; w20.01 19 § 18)
KUDIYULA NDE: ‘Inki ke kanga mono nzila ya kudipesa na Yehowa mpi kubaka mbotika?’
2. Bimvwama ya Kimpeve
(Min. 10)
-
Nk 92:5—Inki mutindu mambu ya kele na verse yai ke monisa mayele ya Yehowa? (cl 176 § 18)
-
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 94:1-23 (th dilongi 5)
4. Kuyantika Disolo
(Min. 4) KIMBANGI YA DIBAKU YA MBOTE. Ntangu nge ke solula ti muntu, sosa dibaku ya kutendudila yandi mambu ya me tala kisalu ya kulonga Biblia yina nge ke salaka. (lmd dilongi 5 kantu-diambu 3)
5. Landa Mpusa
(Min. 3) KIMBANGI YA DIBAKU YA MBOTE. Lomba muntu mosi ya ke sepela ti nsangu ya mbote na kulonguka Biblia ata yandi me buyaka dezia kulonguka yo. (lmd dilongi 8 kantu-diambu 4)
6. Kukumisa Bantu Balongoki
(Min. 5) Solula ti longoki ya Biblia yina ke yela ve na kimpeve. (lmd dilongi 12 kantu-diambu 5)
Nkunga 5
7. Kana Baleke Kele ti Basusi
(Min. 15) Disolo ti Bawi.
Bansadi ya Yehowa lenda vanda mpi ti basusi. Mu mbandu, Davidi vandaka ti basusi na bantangu ya nkaka na luzingu na yandi. Mutindu mosi mpi, bampangi mingi kele ti basusi bubu yai. (Nk 13:2; 139:23) Diambu ya mawa kele nde, baleke mpi ke kutana ti mambu yina ke sala nde bo vanda ti basusi. Bantangu ya nkaka, basusi lenda sala nde beto kuka ve kusala mambu yina beto ke salaka mbala na mbala, mu mbandu kukwenda na nzo-nkanda to na balukutakanu. Yo lenda sala nkutu nde muntu kukuma kuwa boma mingi to yandi kuma ti bangindu ya kudifwa.
Baleke, kana beno kele ti basusi, beno songa bibuti na beno to muntu mosi ya kuyela na kimpeve. Beno sosa mpi lusadisu ya Yehowa na kisambu. (Fil 4:6) Yandi ta sadisa beno. (Nk 94:17-19; Yez 41:10) Beto tadila mbandu ya mpangi Steing.
Songa VIDEO Yehowa Ke Kudibanzaka Sambu na Mono. Na nima yula bawi bangiufula yai:
• Inki verse ya Biblia sadisaka mpangi Steing mpi sambu na nki?
• Inki mutindu Yehowa sadisaka yandi?
Bibuti, beno lenda sadisa bana na beno ntangu bo kele ti basusi kana beno ke widikila bo na ntima-nda yonso, kana beno ke monisila bo zola mpi kana beno ke sadisa bo na kundima kibeni nde Yehowa ke zolaka bo. (Tit 2:4; Yak 1:19) Beno tudila Yehowa ntima sambu yandi pesa beno ngolo mpi kikesa sambu na kusadisa bana na beno.
Beto lenda zaba ve ntangu yina muntu mosi na dibundu lenda vanda ti basusi ya ngolo to beto lenda bakisa ve mutindu yandi ke kudiwa. Kansi, beto lenda sala nde bantu yonso na dibundu kudiwa nde bo ke zolaka bo mpi bo ke sepelaka ti bo.—Bin 12:25; Ebr 10:24.
8. Kulonguka ya Biblia ya Dibundu
(Min. 30) bt kapu 16 § 6-9, lupangu na lut. 150
