ZINGA MUTINDU BAKRISTU FWETE ZINGA
Beto Yedisa Mayele na Beto na Kisalu ya Kusamuna—Beto Siamisa Bantu Yina Ke Sepela na Kieleka na Kukwisa na Balukutakanu
SAMBU NA NKI YO KELE MFUNU: Balukutakanu ke pesaka beto mbala na mbala dibaku ya ‘kuyimbila Yehowa’ mpi ya ‘kukumisa yandi.’ (Nk 149:1) Na balukutakanu, bo ke longaka beto na kusala luzolo ya Nzambi. (Nk 143:10) Mbala mingi, bantu ya ke sepelaka na kieleka mpi balongoki ya Biblia ke yelaka nswalu kana bo me yantika kukwisa na balukutakanu.
MUTINDU YA KUSALA YO:
-
Lomba bo na kukwisa na balukutakanu kukonda kusukinina. Nge lenda vingila ve tii kuna beno ta kuma kibeni kulonguka Biblia ti yandi.—Kus 22:17
-
Tendudila muntu yina ke sepela na kieleka mambu yina yandi ta mona mpi mambu yina beto ta tubila na balukutakanu ya ke landa. Mambu ya me landa lenda sadisa sambu na kusala yo: emvitasio na balukutakanu ya dibundu, video Inki Mambu Kesalamaka na Nzo ya Kimfumu?, mpi dilongi 5 mpi 7 ya kamukanda Luzolo ya Yehowa
-
Songa yandi nde nge lenda sadisa yandi. Keti muntu ya ke sepelaka na kieleka kele ti mfunu nde muntu mosi kusadisa yandi na kupona bilele ya me fwana? Vanda pene-pene na yandi na balukutakanu, mpi beno sadila mikanda na nge. Songa yandi na bampangi ya nkaka
