KUDIPESA NA KISALU YA BILANGA | KUMISA KIESE NA NGE MINGI NA KISALU YA KUSAMUNA
Sadila Bisadilu na Beto ya Bansosa
Yehowa ke pesaka beto bisadilu sambu na kulonga mbote. Mu mbandu, bavideo, batrakiti, bazulunalu, tumikanda, mikanda mpi Biblia kisadilu ya ntete yina yandi me pesaka beto. (2Tm 3:16) Yandi ke pesaka beto mpi bisadilu yina lenda sadisa beto na kusala bansosa mpi na kutendula baverse ya Biblia. Mu mbandu, Watchtower Library, aplikasio JW Library®, Watchtower MIKANDA YA KE NA INTERNET™, mpi Mukanda ya Bansosa Sambu na Bambangi ya Yehowa.
Nge ta kuma na kiese ntangu nge ke sadila bisadilu yonso yina beto kele ti yo sambu na kusala mbote-mbote bansosa na Biblia. Sala yonso sambu na kupesa balongoki na nge formasio ya kusadila bisadilu yina. Bo mpi na ture na bo, bo ta kuma na kiese ntangu bo ke mona bamvutu na bangiufula yina bo ke kudiyula sambu na Biblia.
TALA VIDEO VANDA NA KIESE NA KISALU YA KUKUMISA BANTU BALONGOKI MPI NDIMA LUSADISU YINA YEHOWA KE PESAKA—SADILA BISADILU YA BANSOSA, MPI NA NIMA BENO PESA BAMVUTU NA BANGIUFULA YAI:
-
Inki ntembe Jade basisaka na yina me tala lugangu?
-
Na wapi Neeta zwaka mambu ya ke tubila diambu yango?
-
Kuzwa bimvwama ya kimpeve mpi kusonga yo bantu ya nkaka ke pesaka kiese
Inki mutindu yandi bakaka kaka mambu yina lenda simba ntima ya Jade?
-
Kusadila bisadilu ya bansosa vandaka ti nki bupusi na Neeta?
