Na disolo ya Yezu na zulu ya ngumba, yandi tubaka nde: “Beno bika kudiyangisa sambu na luzingu na beno.” (Mat 6:25) Mutindu beto kele bantu ya kukonda kukuka mpi ke zinga na nsi-ntoto ya Satana, bantangu ya nkaka beto lenda kudiyangisa. Yo yina Yezu songaka balongoki na yandi na kudiyangisa ve kuluta ndilu. (Nk 13:2) Sambu na nki? Kudiyangisa kuluta ndilu, ata sambu na bampusa na beto ya konso kilumbu lenda katula dikebi na beto na mambu ya mfunu mpi yo lenda vanda mpasi na kusosa ntete Kimfumu ya Nzambi. (Mat 6:33) Mambu ya nkaka yina Yezu tubaka lenda sadisa beto na kudiyangisa ve na mambu ya kukonda mfunu.

• Mat 6:26—Inki dilongi beto lenda baka ntangu beto ke tala bandeke? (w16.07 6 § 11-13)

• Mat 6:27—Sambu na nki kudiyangisa kuluta ndilu kele kulutisa ntangu mpi kumanisa ngolo na beto? (w05 11/1 28 § 5)

• Mat 6:28-30—Inki dilongi beto lenda baka na bintuntu ya bilanga? (w16.07 6-7 § 15-16)

• Mat 6:31, 32—Inki mutindu Bakristu me swaswana ti bantu ya nsi-ntoto? (w16.07 7 § 17)

Sambu na nki mambu mono ke zola kudiyangisa diaka ve?