Kana nge kele toko ya mukristu yina me bakaka ntete ve mbotika to longoki ya Biblia, keti nge kele ti lukanu ya kubaka mbotika? Sambu na nki nge fwete baka mbotika? Kudipesa mpi kubaka mbotika kele luyantiku ya kuta kinduku ti Yehowa. (Nk 91:1) Yo lenda gulusa beto mpi. (1Pi 3:21) Inki mutindu nge lenda lungisa mambu yai?

Nge fwete ndima nde yai kele kieleka. Sala bansosa sambu na kuzwa mvutu na konso ngiufula yina nge kele ti yo. (Bar 12:2) Ntangu nge ke sala bansoba, zaba nde nge ke sala yo sambu nge ke zola kusepedisa Yehowa. (Bin 27:11; Efe 4:23, 24) Lomba yandi lusadisu ntangu yonso. Ndima nde Yehowa ta sadila mpeve santu na yandi sambu na kupesa nge ngolo mpi sambu na kusadisa nge. (1Pi 5:10, 11) Bikesa yina nge ke sala kele mfunu. Kusadila Yehowa kele mutindu mosi ya kuluta mbote ya kuzinga.—Nk 16:11.

SONGA VIDEO MAMBU YA KUSALA SAMBU NA KUBAKA MBOTIKA, MPI NA NIMA BENO PESA BAMVUTU NA BANGIUFULA YAI:

• Inki bampasi bampangi ya nkaka kutanaka ti yo na ntwala ya kubaka mbotika?

• Inki mutindu nge lenda monisa lukwikilu yina yo ke lombaka sambu na kudipesa na Yehowa?

• Inki sadisaka bampangi ya nkaka na kulungisa mambu yina bo ke lombaka sambu na kubaka mbotika

• Bantu yina ke ponaka kusadila Yehowa ke bakaka nki mambote?

• Kudipesa mpi kubaka mbotika ke tendula nki?