Sambu na nki beto ke sepelaka ti balukutakanu ya distrike? Sambu, kaka bonso na Izraele ya ntama, bubu yai balukutakanu ya distrike ke pesaka beto mbala mingi mabaku ya kusambila Yehowa ti bampangi mingi ya nkaka. Beto ke zolaka malongi yonso yina beto ke bakaka sambu yo ke sadisaka beto na kulanda kuvanda pene-pene ya Yehowa. Beto ke sepelaka mpi sambu beto ke lutisaka ntangu ya mbote ti banduku mpi mabuta na beto. Ntonda yina beto ke vandaka ti yo ke pusaka beto na kuvukana bilumbu yonso tatu ya lukutakanu.

Kana beto me zwa dibaku ya kuvukana ti bampangi, beto fwete yindula mambote yina beto ta baka mpi mutindu beto lenda monisa nde beto ke zolaka bo. (Bag 6:10; Ebr 10:24, 25) Beto ta monisa nde beto ke sosa mambote ya bampangi ya nkaka kana beto ke simbila bo porte to ke kanga kaka bisika yina beto ta vanda. (Fil 2:3, 4) Balukutakanu ya distrike ke sadisaka beto na kuzwa banduku ya mpa. Na ntwala nde manaka kuyantika to na nima to na ntangu ya kupema, beto lenda baka lukanu ya kusosa kuzaba bampangi yina beto me zaba ve. (2Bk 6:13) Kinduku yina beto ke salaka ti bampangi na mabaku yai lenda vanda kinduku ya kukonda nsuka! Diambu ya nkaka ya mfunu kele nde kana bantu yina ke sambilaka ve Yehowa ke mona nde beto ke zolaka bampangi ya nkaka, bo lenda baka lukanu ya kuvukana ti beto sambu na kusambila Yehowa.—Yoa 13:35.

SONGA VIDEO “ZOLA KE SUKAKA VE”! BALUKUTAKANU YA BANSI MINGI, MPI BENO PESA BAMVUTU NA BANGIUFULA YAI:

• Inki mutindu bampangi monisilaka bampangi yina katukaka na bansi ya nkaka zola na balukutakanu ya bansi mingi ya 2019?

• Sambu na nki bumosi mpi zola yina bansadi ya Yehowa ke vandaka ti yo ke yitukisaka bantu?

• Inki mambu bampangi ya Nto-Kimvuka tubilaka na yina me tala zola?

• Inki mutindu zola vukisaka bampangi na beto na Allemagne mpi na Corée du Sud?

• Inki lukanu beto fwete baka?