KUDIPESA NA KISALU YA BILANGA | KUMISA KIESE NA NGE MINGI NA KISALU YA KUSAMUNA
Simba Ntima ya Longoki na Nge
Bulemfu na Nzambi ke katukaka na ntima. (Bin 3:1) Yo yina ntangu beto ke longa, beto fwete sala yonso sambu na kusimba ntima ya muntu ya beto ke longa. Inki mutindu?
Kulonga ve longoki na nge kaka bakieleka yina kele na Biblia, kansi sadisa yandi mpi na kuzaba mutindu mambu yina yandi ke longuka lenda vanda ti bupusi na luzingu na yandi mpi na kinduku na yandi ti Yehowa. Sadisa yandi na kubakisa mutindu bansiku ya Biblia ke monisaka zola ya Nzambi, bumbote na yandi mpi lunungu na yandi sambu na beto. Na mayele mpi na mawete yonso, yula yandi bangiufula yina ta pusa na kuyindula mpi na kutuba mutindu yandi ke tadilaka mambu yina yandi ke longuka. Sadisa yandi na kuyindula mambote yina yandi ta baka kana yandi yambula kikalulu mosi ya mbi to ngindu mosi ya mbi. Ntangu nge ta mona nde longoki na nge ke zola Yehowa na ntima na yandi ya mvimba, kiese na nge ta kuma mingi.
TALA VIDEO VANDA NA KIESE NA KISALU YA KUKUMISA BANTU BALONGOKI MPI TOMISA MAYELE NA NGE YA KULONGA—SIMBA NTIMA YA LONGOKI NA NGE, MPI NA NIMA BENO PESA BAMVUTU NA BANGIUFULA YAI:
-
Sambu na nki Neta yulaka Jade nde: “Keti nge yindulaka mambu yina beto tubilaka na Kintete?”
-
Inki mutindu Neta sadisaka Jade na kubakisa mutindu bansiku ya Biblia ke monisa nde Yehowa ke zolaka yandi?
-
Kana beto simba ntima ya longoki na beto, yandi ta baka kikesa ya kukwenda pene-pene ya Yehowa
Inki mutindu Neeta sadisaka Jade na kuyindula mutindu yandi lenda monisa Nzambi nde yandi ke zolaka yandi?
