Yehowa sadisaka bansukami na ntangu ya ntama na Izraele. Inki mutindu yandi ke sadisaka bansadi na yandi ya kele bansukami bubu yai?

• Yandi me songaka beto na kutadila mambu ya mbongo ti bukati-kati.—Luk 12:15; 1Tm 6:6-8

• Yandi me sadisaka beto na kudizitisa.—Yob 34:19

• Yandi me songaka beto na kusala ngolo mpi na kuyambula bikalulu ya mbi.—Bin 14:23; 20:1; 2Bk 7:1

• Yandi me kotisaka beto na dibuta ya bampangi ya ntoto ya mvimba yina ke zolanaka.—Yoa 13:35; 1Yn 3:17, 18

• Yandi me pesaka beto kivuvu.—Nk 9:18; Yez 65:21-23

Ata luzingu na beto kele mpasi nki mutindu, beto fwete kudiyangisa ve ata fioti. (Yez 30:15) Yehowa ta lungisa bampusa na beto ya kinsuni kana beto ke landa kusosa ntete Kimfumu na yandi.—Mat 6:31-33.

SONGA VIDEO ZOLA KE SUKAKA VE . . . ATA NGE KELE NSUKAMI—CONGO , MPI NA NIMA BENO PESA BAMVUTU NA BANGIUFULA YAI:

• Inki mutindu bampangi yina ke vandaka pene-pene ya bisika yina lukutakanu ya distrike ke salamaka ke monisaka zola na mutindu bo ke yambaka bampangi yina ke salaka nzietelo sambu na kusala lukutakanu yai?

• Video yai me longa beto inki na yina me tala zola yina Yehowa ke vandaka ti yo sambu na bansukami?

• Inki mutindu beto lenda landa mbandu ya Yehowa yo vanda beto kele ti bima mingi ya kinsuni to ve?