Bavideo lenda simba ntima ya bantu na mutindu yo ke bendaka dikebi ya bantu na kutala mpi na kuwidikila. Yo ke bendaka dikebi mpi yo ke bikalaka na mabanza. Yehowa me pesaka mbandu ya kuluta mbote na yina me tala kusadila bima ya ke monikaka na meso sambu na kulonga.—Bis 10:9-16; Kus 1:1.

Bavideo Dieu a-t-il un nom ?, Qui est l’Auteur de la Bible ?, mpi Comment être sûrs que la Bible vient de Dieu ? ya ngika ya dilongi ya 2 mpi ya 3 ya kamukanda Nsangu ya Mbote. Bavideo Sambu na Nki Beto Fwete Longuka Biblia?, Inki Mutindu Kulonguka ya Biblia Ke Salamaka?, mpi Inki Ke Salamaka na Nzo ya Kimfumu? ke siamisa bantu na kulonguka Biblia ti beto to na kukwenda na balukutakanu ya Bukristu. Beto lenda sadila mpi bavideo na beto yina kele nda sambu na kulonga bantu ya beto ke longukaka ti bo Biblia.—km 5/13 3.

• Baka na ntwala video yina nge ke zola kusonga muwi mpi tula yo na telefone to na tablete na nge

• Yidika ngiufula mosi to bangiufula zole yina bo ke pesa mvutu na video

• Beno tala video ti muwi

• Beno tubila bangindu ya mfunu

• Kwenda na lutiti ya nsuka ya trakiti mosi mpi benda dikebi na kidimbu ya kele na nsuka, yina ke nata na video Sambu na Nki Beto Fwete Longuka Biblia?

• Songa video Comment être sûrs que la Bible vient de Dieu ? mpi pesa kamukanda Nsangu ya Mbote mpi tubila dilongi ya 3