BIMVWAMA YA NDINGA YA NZAMBI | BANKUNGA 45-51
Yehowa Ta Buya Ve Ntima ya Kele na Mawa
Davidi sonikaka Nkunga 51 ntangu mbikudi Natani nganinaka yandi sambu na disumu ya nene yina yandi salaka ti Bat-sheba. Kansansa na yandi kumaka kuyangisa yandi, mpi na kudikulumusa yonso yandi fungunaka masumu na yandi.
Davidi salaka disumu, kansi yandi lendaka diaka kuvutukila kimpeve na yandi
-
Na ntwala nde yandi balula ntima mpi kufunguna masumu na yandi, kansansa na yandi yangisaka yandi ngolo mpenza
-
Yandi waka mpasi mutindu Nzambi vandaka kundima yandi diaka ve mpi yandi kudiwaka bonso muntu yina me bukana mikwa
-
Davidi vandaka ti mpusa ya ngolo nde Yehowa kulolula yandi mpi yandi vutukila kimpeve na yandi mpi kiese yina yandi vandaka na yo ntete
-
Na kudikulumusa yonso, Davidi bondilaka Yehowa na kusadisa yandi na kukuma diaka ti luzolo ya kulemfuka
-
Yandi vandaka kutula ntima nde Yehowa ta lolula yandi
