Sambu na nki beto fwete pona bansaka na mayele yonso? Beto fwete vila ve nde ntangu beto ke pona filme, bankunga, site Internet, mikanda to bavideo, mambu yina beto ke talaka to ke waka ke bikalaka na mabanza na beto. Mambu ya beto ke ponaka ke vandaka ti bupusi na bikalulu na beto. Diambu ya mawa kele nde, bubu yai bansaka mingi kele ti mambu yina Yehowa ke buyaka. (Nk 11:5; Bag 5:19-21) Yo yina, Biblia ke lomba beto na kulanda kusala mambu yina ke pesaka Yehowa lukumu.—Fil 4:8.

SONGA VIDEO INKI BANSAKA MONO FWETE PONA? MPI NA NIMA BENO PESA MVUTU NA BANGIUFULA YAI:

• Inki mutindu bansaka ya bantu ya Roma ya ntangu ya ntama me fwanana ti bansaka ya nkaka ya bilumbu na beto?

• Inki mutindu bampangi na dibundu lenda sadisa batoko na kupona bansaka na mayele yonso?

• Inki mutindu Baroma 12:9 lenda sadisa beto na kupona bansaka?

• Inki kele mwa bansaka bantu ke salaka na kisika ya nge ke zingaka?