Na Kitanu 27 janvier 2023, bantu mingi ta sala nkinsi ya Kuyibuka na Ntoto ya Mvimba Kilumbu ya Bo Fwaka Bantu Mingi (journée internationale dédiée à la mémoire des victimes de l’Holocauste). Mambu ya nku mpi ya mpasi mingi ya salamaka na bamvula 75 ya me luta lenda pusa nge na kudiyula sambu na nki Nzambi bikaka nde bo fwa bantu mutindu yina.

•   Sambu na kuzaba mambu yina Biblia ke tuba sambu na diambu yai, tanga disolo, “Pourquoi la Shoah a-​t-​elle eu lieu ? Pourquoi Dieu n’a-​t-​il rien fait ?”

 Bayuda mingi niokwamaka ngolo sambu bo fwaka bo. Bo yidikaka mambu sambu na kufwa bamilio ya bantu. Bo niokulaka bantu ya bimvuka ya nkaka mpi bo fwaka bo na ntangu yina. Bambangi ya Yehowa vandaka mpi na kati ya bantu yina bo niokulaka. Bo niokulaka bo sambu na mambu ya bo ke ndimaka ya me simbama na Biblia.

•   Sambu na kuzaba mambu mingi, tanga disolo “Qu’est-​il arrivé aux Témoins de Jéhovah sous le régime nazi?”

 Bantu mingi ke waka boma nde mambu yina salamaka lenda salama diaka. Kima ya mbote kele nde, Biblia ke tuba nde na bilumbu ya ke kwisa mambu ya mutindu yina ta salamaka diaka ve.

•   “‘Sambu mono me zaba mbote bangindu yina mono ke yindula sambu na beno,’ Yehowa muntu me tuba, ‘bangindu ya ngemba, kansi ya mpasi ve, sambu na kupesa beno makwisa mpi kivuvu.’”—Yeremia 29:11. a

 Mambu yai Biblia ke tuba ta salama ntangu Yehowa Nzambi ta manisa mambu ya mbi mpi ta yidika mambi yina mambu yango me nataka. Ntama mingi ve, yandi ta:

•   Katula bantu ya mbi yina ke niokulaka bantu ya nkaka.—Bingana 2:22.

•   Belula bantu yina ke niokwama.—Kusonga 21:4.

•   Vutula bantu yina me fwaka na luzingu na ntoto.—Yoane 5:28, 29.

 Nge lenda tula ntima na kivuvu ya ke pesa kikesa yina Biblia ke tubila. Sambu na kuzaba sambu na nki, beto ke lomba nge na kumeka kulonguka Biblia ti mbangi mosi ya Yehowa.