Ntangu Yezu vandaka na ntoto, yandi monisaka nde yandi ke zolaka kibeni bantu. Yandi zolaka bantu mingi kibeni yo yina pesaka luzingu na yandi sambu na bo. (Matayo 20:28; Yoane 15:13) Ntama mingi ve, yandi ta monisa diaka nde yandi ke zolaka bantu ntangu yandi ta sadila kiyeka na yandi bonso Ntotila ya Kimfumu ya Nzambi sambu na ‘kumanisa bitumba na ntoto ya mvimba.’​—Nkunga 46:9.

 Tala mutindu Biblia ke tubila mambu yina Yezu ta sala:

•   “Yandi ta gulusa nsukami yina ke dila sambu na kulomba lusadisu, mpi muntu ya kukonda mfunu ti konso muntu yina me konda nsadisi. Yandi ta wila muntu ya kukonda mfunu mpi nsukami mawa, mpi yandi ta gulusa luzingu ya bansukami. Yandi ta gulusa bo na bampasi mpi na mubulu.”​—Nkunga 72:12-14.

 Inki mutindu beto lenda pesa Yezu mersi sambu na mambu yonso yina yandi me salaka sambu na beto mpi sambu na mambu yina yandi ta sala diaka sambu na beto? Na mukanda ya Luka 22:19, Yezu songaka balongoki na yandi nde bo fwete yibukaka lufwa na yandi. Yo yina konso mvula, Bambangi ya Yehowa ke vukanaka kisika mosi na dati ya aniversere ya lufwa ya Yezu sambu na kuyibuka lufwa na yandi. Beto ke bingisa nge na kukwisa kuvukana ti beto sambu beto Yibuka lufwa ya Yezu na Lumingu 24 mars 2024.

Kisika Yina Nkinsi ya Kuyibuka Lufwa ya Yezu Ta Salama