Ntoto takituka paladisu

Jéhovah takatula mvimba kibeni mambi yonso Satana salaka. Yandi metula Yezu Ntotila na ntoto ya mvimba. Sambu ntoto tayalama na Ntotila yina, yau takituka paladisu.​—⁠Daniel 7:13, 14; Luka 23:⁠43.

Tala yina Jéhovah mesila:

MADYA TAVANDA MINGI: “Ntoto tabuta mbuma na yau; Nzambi, Nzambi na beto tasakumuna beto.” “Bankeni tabuta mingi na nsi; na zulu ya bangumba mbutu na yau.”​—⁠Nkunga 67:6; 72:⁠16.

BITUMBA TAVANDA DYAKA VE: “Beno kwisa, kutala mambu ya Jéhovah mesala, yandi metula mambu ya ngituka awa na ntoto. Yandi mesukisa bitumba tii na nsuka ya ntoto.”​—⁠Nkunga 46:8, 9.

MAMBI TAVANDA DYAKA VE: “Bantu ya imbi takatulama . . . Ntama mingi ve bantu ya imbi tavila, nge tatala sika nandi, buna yandi tavanda ve.”​—⁠Nkunga 37:9, 10.

MALADI, MAWA, LUFWA TAVANDA DYAKA VE: “Na  ntangu yina meso ya bantu ya kufwa-meso tamona, makutu ya bantu ya kufwa-makutu takanguka. Na ntangu yina bantu ya makulu-kifu tapumbuka bonso mbambi, ba bába takuwa takutuba na ndinga ya ngolo mpi ya kyese.”​—⁠Isaya 35:5, 6.

“Nzambi yandi mosi tavanda ti bau. Yempi yandi takunguna mansanga yonso ya meso na bau, yempi lufwa tavanda dyaka ve; ntantu tavanda dyaka ve, kudila ye mpasi tavanda dyaka ve. Sambu mambu ya ntete imene kuluta.”​—⁠Nzayikusu 21:3, 4.

Na luswaswanu na Satana mpi bampeve ya imbi nandi, Jéhovah kekusaka ata fyoti. Yonso ya yandi kesilaka kelunganaka. (Luka 1:36, 37) Jéhovah kezola nge mpi kezodila nde nge zinga na kati ya Paladisu yina yandi tatula. Sosa na kukutana na ba Témoins de Jéhovah sambu na kuzaba dyaka mambu mingi sambu na yina ketadila bakyeleka ya kitoko ya ikele na Ndinga ya Nzambi. Kana nge sadila kyeleka na luzingu na nge, nge takatuka na kimpika ya bindimandima ya luvunu yempi na mambu ya mpamba. Na nima, nge takatuka nkutu na masumu mpi na lufwa. Yezu tubaka nde: “Beno tazaba kyeleka, ye kyeleka tagulusa beno.”​—⁠Yoane 8:⁠32.