Bambandu ya Biblia yina ke sadisa beto:

• Nk 78:40, 41; 106:36-46​—Yehowa vandaka kulolula bantu ya Izraele mbala na mbala ata bo vandaka kusala mambu ya mbi yina vandaka kupesa yandi mpasi

• Luk 15:11-32​—Yezu monisaka mutindu Yehowa ke lolulaka bantu ntangu yandi pesaka mbandu ya tata mosi ya ntima-mawa yina lolulaka mwana na yandi ya salaka mambu ya mbi kansi balulaka ntima

Bambandu ya Biblia yina ke sadisa beto:

• Ebr 9:22-28​—Ntumwa Polo monisaka nde Nzambi ke lolulaka masumu kaka na nsadisa ya menga ya Kristu

• Kus 7:9, 10, 14, 15​—Ntumwa Yoane monaka “kimvuka mosi ya nene ya bantu” yina kele bunkete mpi me telema na ntwala ya Nzambi na nsadisa ya menga ya Kristu

 Bambandu ya Biblia yina ke sadisa beto:

• Yob 42:7-10​—Na ntwala nde Yehowa kumanisa bampasi ya Yobi, kubelula yandi mpi kusakumuna yandi, Yehowa lombaka Yobi na kusamba ntete sambu na banduku na yandi tatu yina tubaka mambu ya mbi sambu na yandi

• Mat 18:21-35​—Yezu monisaka mfunu ya kulolula bantu ya nkaka kana beto ke zola nde Nzambi mpi kulolula beto

Bambandu ya Biblia yina ke sadisa beto:

• Nk 32:1-5; 51:1, 2, 16, 17​—Ntotila Davidi waka mpasi mpi kudiyangisaka mingi sambu na masumu ya nene yina yandi salaka mpi balulaka ntima na masonga yonso

• Yak 5:14-16​—Yakobo tubaka nde kana beto me sala disumu ya nene, beto fwete zabisa yo bankuluntu

Bambandu ya Biblia yina ke sadisa beto:

• 1Bn 21:27-29; 2Bs 18:18-22, 33, 34; 19:1, 2​—Ntangu ntotila Ahabi waka nde Yehowa ta pesa yandi ndola, Ahabi kudikulumusaka mpi Yehowa wilaka yandi mawa, kansi yandi salaka ve mambu yina monisaka nde yandi balulaka ntima na masonga, yo yina Yehowa monaka nde yandi kele muntu ya mbi mpi yo me fwana nde bo fwa yandi

• 2Bs 33:1-16​—Ntotila Manase salaka mambu ya mbi mingi; ata mpidina Yehowa lolulaka yandi sambu yandi balulaka ntima. Manase monisaka nde yandi balulaka mpenza ntima na mutindu yandi katulaka lusambu ya biteki mpi sadisaka bantu na kusambila Nzambi ya kieleka

Mbandu ya Biblia yina ke sadisa beto:

• 2Sa 12:13; 24:1; 1Bn 9:4, 5​—Ata ntotila Davidi salaka masumu ya nene, Yehowa lolulaka yandi sambu yandi balulaka ntima na masonga mpi Yehowa bingaka yandi muntu ya kwikama

Bambandu ya Biblia yina ke sadisa beto:

• Mat 26:36, 40, 41​—Balongoki ya Yezu yina vandaka kukangama mingi ti yandi lalaka mpongi na ntangu yina Yezu vandaka na mfunu ya lusadisu na bo mpenza, ata mpidina Yezu bakisaka nde bo vandaka ya kulemba

• Mat 26:69-75; Luk 24:33, 34; Bis 2:37-41​—Piere buyaka mbala tatu nde yandi me zaba ve Yezu, ata mpidina, Yezu lolulaka ntumwa yai sambu yandi balulaka ntima; Yezu monanaka na yandi na nima ya lufutumuku mpi pesaka Piere mikumba ya nene na dibundu

Bambandu ya Biblia yina ke sadisa beto:

• Mat 23:29-33​—Yezu zabisaka bantu yina zabaka nsiku mbote mpi Bafarize nde bo ta baka ndola ya Gehena, disongidila bo ta fwa kimakulu

• Yoa 17:12; Mar 14:21​—Yezu bingaka Yudasi Iskariote “mwana ya lufwa” mpi yandi tubaka nde yo zolaka kuvanda mbote mingi sambu na Yudasi kana yandi butukaka ve