Satana kemekaka bantu sambu bo sala mambu ya mbi. Muntu yina kezola kuvanda nduku ya Nzambi, fwete menga mambu yina Yehowa kemengaka. (Nkunga 97:10) Tala mwa mambu yina banduku ya Nzambi fwete buya:

Masumu ya kuvukisa nitu. “Nge bakala, kulala na nkento ya nkaka ve; nge nkento, kulala na bakala ya nkaka ve.” (Kubasika 20:14) Kuvukisa nitu na ntwala ya makwela kele mpi disumu.—1 Korinto 6:18.

Kulauka Malafu. ‘Bantu yina ke laukaka malafu, . . . ta vanda ve na kimfumu ya Nzambi.’—1 Korinto 6:10.

Kufwa Muntu, Kubasisa Divumu. “Kufwa muntu ve.”—Kubasika 20:13.

Muyibi. “Kuyiba ve.”—Kubasika 20:15.

Kukusa. Yehowa kemengaka “munoko ya luvunu.”—Bingana 6:17.

 Nku ti Makasi ya Kuluta Ndilu. “[Yehowa] ke zolaka ve ata fioti bantu yina ke zolaka kusala nku.” (Nkunga 11:5) ‘Mambu ya kimuntu [kevandaka]: . . . makasi.’—Galatia 5:19, 20.

Nsaka ya Mbongo. “Beno lenda vukana ve ti muntu yina . . . ke vandaka na nzala ya kuvanda na konso kima yina.”—1 Korinto 5:11.

Kumenga Bantu ya Mpusu ya Nitu ya Nkaka to ya Ndinga Yankaka. “Beno zola bambeni na beno, samba Nzambi sambu na bantu yina ke monisaka beno mpasi.”—Matayo 5:43, 44.

Mambu yina Nzambi kesongaka beto kele sambu na mambote na beto. Yo kevandaka ve ntangu yonso pete na kubikisa kusala mambu ya mbi. Kansi Yehowa ti Bambangi na yandi lenda sadisa nge na kubikisa kusala mambu ya mbi yina kepesaka ve Nzambi kyese.—Yezaya 48:17; Filipi 4:13; Baebreo 10:24, 25.