Bangogo ya Luyantiku

NZAMBI NKWA-NGOLO YONSO kele Mfumu ya bima yonso. Luzingu na beto ya ntangu yai ti ya bilumbu yina kekwisa kele na maboko na yandi. Yandi kele ti ngolo ya kupesa matabisi mpi ya kupesa ndola. Yandi kele ti ngolo ya kupesa luzingu mpi ya kubaka yo. Kana yandi kendima beto, beto tavanda mbote; kansi kana yandi kendima beto ve, beto tamona mpasi. Yo yina, yo kele mfunu mingi nde yandi kundima lusambu na beto!

Bantu kesambilaka mitindu mingi. Kana dibundu kele bonso nzila, keti Nzambi kendimaka banzila ya mabundu yonso? Ve, yandi kendimaka ve mabundu yonso. Yezu, yina kele profete ya Nzambi, kumonisaka nde banzila kele kaka zole. Yandi tubaka nde: “Kele ti kielo ya nene ti nzila ya nene yina ke nataka bantu na [lufwa, NW], bantu mingi ke kwendaka na nzila yina. Kansi kielo ti nzila yina ke nataka bantu na moyo yo kele nkaka mpenza, bantu fioti mpamba ke monaka yo.”​—⁠Mat. 7:​13, 14.

Mabundu kele kaka mitindu zole: mosi kenataka na luzingu mpi yankaka kenataka na lufwa. Lukanu ya kamukanda yai kele ya kusadisa nge na kuzwa nzila yina kenataka na luzingu ya mvula na mvula.