Vanda ti lukanu. Sosa kuzaba kana lukanu ya disolo na nge kele ya kuzabisa bawi diambu mosi, kundimisa bo to kusiamisa bo. Na nima, sala disolo na kuwakana ti lukanu na yo. Sala ngolo sambu mambu yonso ya mfunu ya disolo kusadisa nge na kulungisa lukanu na nge.

Vutukila ntu-diambu mbala na mbala. Ntangu nge ke sala disolo, vutukila bangogo to bangindu ya mfunu ya ntu-diambu.

Basisa bangindu ya mfunu na mutindu ya pwelele mpi ya pete. Pona kaka bangindu ya mfunu yina ke wakana ti ntu-diambu ya nge ke tubila mpi yina nge lenda longa na ntangu ya bo me pesa nge. Tubila mwa bangindu ya mfunu, tendula na pwelele yonso konso kitini, pema mwa fioti mpi luta na kitini yina ke landa.