DILONGI 18
Ndongisila ya mfunu
1 Bakorinto 9:19-23
NA BUNKUFI: Pesa bawi mpusa ya kuyindula, sadisa bo na kubakisa nde bo me longuka dilongi ya mfunu.
MUTINDU YA KUSALA YO:
-
Yibuka mambu yina bawi ke zabaka. Na kisika ya kuvutukila kaka mambu yina bawi ke zabaka, sadisa bo na kutula dikebi na mambu ya nkaka yina bo ke tudilaka ve dikebi.
-
Sala bansosa mpi yindula mingi. Kana mpila kele, sadila bansangu yina bantu mingi me zaba ve to mambu ya me katuka kusalama sambu na kutendula bangindu ya mfunu. Yindula mingi mambu yina nge ta longa mpi sosa kuwakana yina kele na kati ya malongi yango ti bambandu yina nge ke zola kusadila.
-
Monisa mfunu ya malongi na nge. Sadisa bawi na kubakisa mutindu baverse ya Biblia lenda sadisa bo. Tubila kibeni mambu yina bo ke kutana ti yo, bikalulu mpi mambu ya mfunu yina bo fwete sala.
