DILONGI 6
Monisa Pwelele Mutindu ya Kusadila Verse
Yoane 10:33-36
NA BUNKUFI: Nge fwete tanga kaka ve verse mpi kuluta na kitini ya ke landa. Nge fwete sala yonso sambu bawi kubakisa kuwakana yina kele na verse ya nge me tanga ti disolo yina nge ke tubila.
MUTINDU YA KUSALA YO:
-
Benda dikebi na bangogo ya mfunu. Na nima ya kutanga verse, basisa bangogo yina ke wakana ti ngindu ya mfunu ya disolo na nge. Mu mbandu, nge lenda vutukila bangogo yango to kuyula ngiufula yina ta benda dikebi ya bawi na kuzaba bangogo ya mfunu.
-
Niata ngindu ya mfunu. Ntangu nge ke tuba na ntwala kikuma ya nge ke tanga verse, tendula mutindu bangogo ya mfunu ya verse yango ke wakana ti mambu yina nge ke tuba.
-
Monisa pwelele mutindu ya kusadila verse. Kutuba ve mambu mingi ya kukonda mfunu yina ke wakana ve ti ngindu ya mfunu ya disolo. Na kutadila mambu yina bawi me zaba, pona mambu ya mfunu yina nge lenda tubila sambu bawi kubakisa pwelele malongi ya verse yango.
