Bifwanisu ya Mukanda Yai
Balutiti yina yo kele
Lutiti ya zulu Polo, Tabita, Galioni, Luka, soda ya tempelo ti bantumwa, Musaduse, basoda ke fidisa Polo na Sezarea mpi bampangi ke sadila kamio ya kele ti baapareyi ya sono mpi fonografe sambu na kulonga.
Lutiti 1 Polo, ti bashene na maboko, yandi me telama ti Luka na kati ya maswa yina ke kwenda na Roma.
Balutiti 2, 3 Mpangi John Barr mpi Theodore Jaracz ya Nto-Kimvuka ke tala karti mosi ya ke monisa ntoto.
Lutiti 11 Yezu me telama na ngumba ya Galilea mpi ke pesa bantumwa 11 mpi balongoki na yandi ya nkaka kisalu ya kulonga.
Lutiti 15 Yezu ke tombuka na zulu mpi bantumwa ke tala yandi.
Lutiti 22 Na Pantekoti, balongoki ke solula ti bantu ya bisika ya mutindu na mutindu na bandinga na bo.
Lutiti 40 Bantumwa me telama na ntwala ya Kaifa yina kele na makasi ya ngolo. Basoda ya tempelo ke kinga nswa ya bantu ya Sanedreni sambu na kukanga bantumwa.
Lutiti 49 Na nima ya Bitumba ya Zole ya Ntoto ya Mvimba, tribinale mosi na Allemagne kusilaka bampangi nde États-Unis ke tindaka bo na kinsweki na kubakila bo bansangu ya Allemagne.—Neue Berliner Illustrierte, 3 octobre 1950.
Lutiti 52 Bo ke sambisa Etiene na ntwala ya Sanedreni. Basaduse ya bamvwama me vanda na nima mpi Bafarize me vanda na ntwala.
Lutiti 60 Piere ke tula longoki mosi ya mpa maboko mpi Simoni me telama na nima na yandi ti dibuki ya mbongo.
Lutiti 85 Piere ti bantu yina ke tambula ti yandi ke kota na nzo ya Korneye. Korneye me lwata na dipeka lele mosi ya mfunu mingi ya ke monisa nde yandi kele mfumu ya basoda.
Lutiti 93 Wanzio ke basisa Piere na boloko; yo ke monana nde Nzo ya Nene ya Antonia kele ti boloko yina bo tulaka Piere.
Lutiti 95 Na nsi ya lutiti: Kimvuka mosi ya bantu ya kele na makasi, pene-pene ya mbanza Montréal na provense ya Québec na 1945.—Weekend Magazine, juillet 1956.
Lutiti 103 Bo me kula Polo ti Barnabasi na Antioshe ya Pisidia. Nzila ya kulutisa masa, yina bo me katuka kutunga na mbanza, ke monika na nima; yo fwete vanda nde bo tungaka yo na luyantiku ya mvu-nkama ya ntete.
Lutiti 106 Polo ti Barnabasi ke buya lukumu yina bantu ya Listre ke pesa bo. Mbala mingi bantu vandaka kupesa bimenga na meso ya bantu mpi makelele, milolo ti miziki vandaka kuwakana ngolo.
Lutiti 113 Na zulu ya lutiti: Silasi ti Yudasi ke pesa bampangi ya dibundu ya Antioshe ya Siria kikesa. (Bis. 15:30-32) Na nsi: Nkengi ya nziunga mosi ke sala diskure na dibundu mosi na Ouganda.
Lutiti 121 Bampangi ya dibundu ya Yeruzalemi me vukana na nzo ya mpangi mosi.
Lutiti 142 Polo ti Timoteo ke sala voyage na maswa mosi ya mumbongo ya bantu ya Roma. Nzo mosi ya nda ke monika na kintama ti mwinda na zulu na yo.
Lutiti 157 Polo ti Silasi, na lupangu mosi ya kukanga, ke tina kimvuka mosi ya bantu ya kele na makasi.
Lutiti 177 Galioni ke nganina bantu yina me kwisa kufunda Polo. Yandi me lwata mvwela ya mpembe ya kimfumu yina nsongi na yo kele mbwaki-ble mpi basapatu ya bo ke bingaka calcei.
Lutiti 180 Demetriusi ke solula ti bantu ya kisalu na kisika mosi na Efezo yina bo ke salaka bima ya arza. Bo ke teka tu-batempelo ya Artemisi ya bo me sala ti arza.
Lutiti 195 Polo ti banduku na yandi ya kisalu ke mata na maswa. Monima ya Nene ya Dibungu, yina bo tungaka na bilumbu ya Bakristu ya ntete, ke monika na nima na yo.
Lutiti 205 Mpangi mosi ya leke ke kota ti mikanda na beto na kinsweki ntangu bamfumu buyisaka mikanda na beto na bamvula 1940 na Canada. (Mutindu yo vandaka kusalama.)
Lutiti 208 Polo ke lemfuka na mambu yina bankuluntu ke lomba yandi. Luka ti Timoteo, yina me vanda na lweka ya Polo, ke sadisa yandi na kunatila bampangi makabu.
Lutiti 218 Mwana-mpangi ya Polo ke solula ti Klode Liziasi na Nzo ya Nene ya Antonia yina kele mbala ya nkaka ti boloko ya bo tulaka Polo. Tempelo ya Erode ke monika na nima.
Lutiti 236 Polo me vanda na kati ya maswa mpi ke samba sambu na bantu ya voyage yina me lemba mingi.
Lutiti 254 Polo, yina kele ti bashene na maboko na yandi mpi shene yango kele ya kukangisa na diboko ya soda mosi ya Roma, ke tala mbanza Roma.
