LUPANGU YA MVUTUKILU 18A
Yehowa Ke Tubila Bitumba ya Nene Yina Ta Salama
Biblia kele ti bambikudulu mingi yina ke tubila bitumba ya mfunu yina Yehowa ta fwa bantu yonso yina ke teleminaka yandi mpi bansadi na yandi. Yai kele mwa bambikudulu yango. Tala kuwakana ya kele na kati na yo mpi kuvila ve nde Yehowa me pesaka kibeni bantu yonso dibaku ya kuwa mpi kusadila yo.
BILUMBU YA IZRAELE YA NTAMA
EZEKIELE: “‘Mono ta binga mbele ya bitumba sambu na kunwanisa [Gogi] na bangumba na mono yonso,’ Yehowa Mfumu ya Kuluta Nene muntu me tuba.”—Ezek. 38:18-23.
YEREMIA: “[Yehowa] yandi mosi ta sambisa bantu yonso. Mpi yandi ta fwa bantu ya mbi na mbele ya bitumba.”—Yer. 25:31-33.
DANIELE: “Nzambi ya zulu ta tula kimfumu mosi yina . . . ta bedisa mpi ta sukisa bimfumu yina yonso.”—Dan. 2:44.
MVU-NKAMA YA NTETE T.B.
YEZU: “Na ntangu yina mpasi ya nene ta vanda, mpasi mosi ya me bwaka ntete ve katuka na luyantiku ya nsi-ntoto.”—Mat. 24:21, 22.
POLO: “Yezu . . . ti bawanzio na yandi ya ngolo . . . ta vutula mbi na bantu yina me zaba ve Nzambi.”—2 Bate. 1:6-9.
PIERE: “Kilumbu ya Yehowa ta kwisa bonso muyibi; . . . mpi ntoto ti bisalu yina kele na kati na yo ta monana pwelele.”—2 Pie. 3:10.
YOANE: “Mbele mosi ya bitumba ya makasi mpi ya nda ke basika na munoko [ya Yezu] mpi yandi ta fwa makanda.”—Kus. 19:11-18.
BILUMBU NA BETO
Biblia kele mukanda yina bo ke balulaka mpi ke kabulaka mingi kibeni kuluta mikanda yonso
BANSADI YA YEHOWA NA BILUMBU NA BETO . . .
-
Ke kabulaka na bandinga mingi mikanda mingi ya ke tendulaka Biblia
-
Ke lutisaka bangunga mingi konso mvula na kisalu ya kulonga
