LUPANGU YA MVUTUKILU 20A
Mutindu Bo Kabulaka Insi
Mambu ya ke monisa mutindu bo tesaka bandilu mbote-mbote ndimisaka Bayuda yina vandaka na kimpika nde Nzambi ta vutula kibeni insi na bo yina bo vandaka kuzola. Inki malongi beto lenda baka bubu yai na mbona-meso yai? Beto tadila mambu zole ya mbona-meso yango:
Kisika ya kele na lutaninu mpi kisalu ya mfunu
Konso muntu na kati ya Bayuda yina katukaka na kimpika zolaka kuvanda ti dikabu na Ntoto ya Lusilu yina Nzambi vutulaka. Mutindu mosi mpi bubu yai, bansadi yonso ya Yehowa kele ti bisika na paladisu ya kimpeve. Ata beto kele ti mukumba ya fioti kibeni na dibundu ya Nzambi, beto kele ti kisika ya kele na lutaninu mpi kisalu ya mfunu na insi ya kimpeve. Sambu na Yehowa, bansadi na yandi yonso ke vandaka mfunu kiteso mosi.
Makabu ya kiteso mosi
Na mbona-meso ya Ezekiele, na konso teritware ya Ntoto ya Lusilu yina Nzambi vutulaka, bantu na yo vandaka ti dikabu ya bima ya kiteso mosi. Mutindu mosi mpi bubu yai, Yehowa me pesaka bansadi na yandi yonso balusakumunu ya kiteso mosi na paladisu ya kimpeve.
