KITINI YA TATU
“Mono . . . Ta Vukisa Beno”—Nzambi Me Sila na Kuvutula Lusambu ya Bunkete
MAMBU YINA YO KE TUBILA: Bambikudulu ya Ezekiele ya ke tubila mutindu Nzambi ta vutula lusambu ya bunkete
Bantu ya Izraele kele na mpasi kibeni, kukolama na bo me bebisa bumosi na bo. Mambu yina bo me sala me natila bo bampasi; bo me bebisa lusambu ya bunkete mpi me fingisa zina ya Nzambi. Na nsungi yai ya mpasi, Yehowa ke songa Ezekiele na kuzabisa bambikudulu ya kulandana yina ke pesa kivuvu. Yehowa ke sadila bingana ya pwelele mpi bambona-meso ya kuyituka, sambu na kupesa kikesa kaka ve na bantu ya Izraele yina vandaka na kimpika, kansi mpi na bantu yonso yina ke vingila na kumona mutindu yandi ta vutula lusambu ya bunkete.
NA KITINI YAI
KAPU 8
“Mono Ta Basisila Bo Ngungudi Mosi”
Nzambi pesaka Ezekiele mpeve santu sambu yandi sonika mbikudulu mosi ya me tala Mesia, Ntotila mpi Ngungudi yina ta vutula kimakulu lusambu ya bunkete.
KAPU 9
“Mono Ta Pesa Bo Ntima Yina Kele na Bumosi”
Keti bambikudulu yina bo zabisaka Bayuda ya kwikama yina vandaka na kimpika na Babilone kele mfunu sambu na beto?
KAPU 10
“Beno Ta Vutuka na Luzingu”
Ezekiele monaka mbona-meso ya muwanda yina vandaka ya kufuluka ti mikwa ya kuyuma yina vutukaka na luzingu. Yo ke tendula nki?
KAPU 11
“Mono Me Tula Nge Nkengidi”
Inki kele kisalu mpi mikumba ya nkengidi yai? Inki lukebisu yandi ke zabisaka?
KAPU 14
“Yai Kele Nsiku ya Tempelo”
Ziku nki malongi ya mfunu Bayuda yina vandaka na kimpika bakala na mbona-meso ya tempelo ya Ezekiele? Mpi mbona-meso yai ke tendula nki sambu na beto bubu yai?