Bangogo ya Luyantiku ya Kitini 8
Yehowa sakumunaka Salomo mpi pesaka yandi mayele ya mingi. Diaka Yehowa pesaka yandi dibaku ya kutunga tempelo, kansi malembe-malembe yandi yambulaka Yehowa. Kana nge kele kibuti, tendudila mwana na nge mutindu bantu yina ke sambilaka banzambi ya luvunu salaka nde Salomo kukuma ntama ti Nzambi. Kimfumu kabwanaka, mpi bantotila kotisaka apostazi mpi lusambu ya biteki na dikanda. Na nsungi yai, bo vandaka kubangika mpi kufwa baprofete mingi ya kwikama ya Yehowa. Ntotila-nkento Yezabele kotisaka nkutu apostazi ya ngolo na kimfumu ya nordi. Yo vandaka ntangu ya mbi mingi na disolo ya Izraele. Kansi kuvandaka kaka ti bansadi mingi ya kwikama ya Yehowa na kati ya bantu ya Izraele, tanga mpi ntotila Yehoshafati ti profete Eliya.
NA KITINI YAI
Tempelo Sambu na Yehowa
Nzambi ndimaka kisambu ya ntotila Salomo mpi pesaka yandi mabaku ya nene.
Kimfumu Me Kabwana
Bantu mingi ya Izraele yambulaka kusambila Yehowa.
Kumekama na Ngumba ya Karmele
Nani kele Nzambi ya kieleka? Yehowa to Baale?
Yehowa Pesaka Eliya Kikesa
Keti nge ke yindula nde yandi lenda pesa nge mpi kikesa?
Mwana ya Mufwidi Mosi Me Vutuka na Luzingu
Bimangu zole kaka na nzo mosi!
Ntotila-Nkento ya Mbi Me Baka Ndola
Yezabele me sala komplo sambu na kufwa Naboti sambu na kuyiba bilanga na yandi ya vinu! Yehowa pesaka yandi ndola sambu na mambi na yandi.
Yehowa Me Nwanina Yehoshafati
Yehoshafati, ntotila ya mbote, ke samba Nzambi ntangu makanda ya bambeni ke bangisa Yuda.