Keti nge ke yibukaka bantangu ya mbote yina nge vandaka kulutisa ti bansadi ya Yehowa—lukutakanu mosi ya dibundu yina pesaka nge kikesa, lukutakanu mosi ya nene yina pesaka nge kiese, diambu mosi ya mbote na kisalu ya kusamuna, to disolo mosi ya kitoko ti mpangi-Mukristu mosi? Nge me vilaka ve Yehowa; yandi mpi me vilaka nge ve. Yandi ke yibukaka ti kiese yonso kisalu na nge ya kwikama. Mpi yandi kele ti nzala ya ngolo ya kusadisa nge na kuvutuka na yandi.

Yehowa ke tuba nde: “Mono ta sosa mameme na mono mono mosi, mpi mono ta keba bo. Mono ta keba mameme na mono bonso ngungudi yina me mona mameme na yandi yina panzanaka mpi ke disa bo. Mono ta gulusa bo na bisika ­yonso yina bo panzanaka.”—Ezekiele 34:11, 12.