DILONGI 53
Pona Bansaka Yina Ke Sepedisaka Yehowa
Yehowa kele “Nzambi ya kiese.” (1 Timoteo 1:11) Yandi ke zolaka nde beto vanda na kiese mpi beto sepela ti luzingu. Yandi ke sepelaka kana beto ke bumba ntangu ya kupema mpi ya kusala bansaka ya kulutisa ntangu. Na dilongi yai, beto ta mona mambu ya beto fwete sala sambu ntangu ya kupema mpi ya kusala bansaka ya kulutisa ntangu kupesa beto mosi mpi Yehowa kiese mingi.
1. Inki beto fwete sosa kuzaba ntangu beto ke pona bansaka ya kulutisa ntangu?
Inki nge ke zolaka kusala ntangu nge ke pemaka? Bantu mingi ke zolaka kulutisa ntangu yango bo mosi na nzo na kisika mosi ya pima, mu mbandu sambu na kutanga mukanda mosi, kulanda miziki, kutala filme to kukota na Internet. Bantu ya nkaka ke zolaka kulutisa ntangu yango ti banduku na bo. Mu mbandu bo ke kwendaka kubula to kutala balo, kutala bateyatre to mpi kusala bansaka ya nkaka. Yo vanda beto ke zolaka konso nsaka yina, beto fwete sosa ntete kuzaba kana “Mfumu ke ndimaka” yo. (Baefezo 5:10) Kuzaba mambu yai kele mfunu sambu bansaka yina bantu mingi ke zolaka bubu yai ke vandaka mpi ti mambu yina Nzambi ke mengaka, mu mbandu: Mubulu, pite to bisalu ya bampeve ya mbi. (Tanga Nkunga 11:5.) Ebuna, nki ta sadisa beto na kupona bansaka ya mbote?
Kana beto ke ta kinduku ti bantu yina ke zolaka Yehowa, bo ta sadisa beto na kusala mambu ya mbote mpi na kupona bansaka ya mbote. Mutindu beto longukaka yo na dilongi 48, “muntu yina ke tambulaka ti bantu ya mayele ta kuma mayele.” Kansi kana beto ke ta kinduku ti bantu yina ke zitisaka ve bansiku ya Nzambi, beto “ta suka mbi.”—Bingana 13:20.
2. Sambu na nki beto fwete lutisa ve ntangu mingi na bansaka?
Ata bansaka ya beto me pona kele mpenza ya mbote, beto fwete vanda mayele mpi kulutisa ve ntangu mingi na bansaka yango. Kana ve, beto ta vanda ve ti ntangu ya kusala mambu ya kuluta mfunu. Biblia ke lombaka beto na ‘kusadila ntangu na beto mbote kibeni.’—Tanga Baefezo 5:15, 16.
LONGUKA MAMBU MINGI
Beto tala mambu ya nge lenda sala sambu na kupona bansaka ya mbote.
3. Buya bansaka ya mbi
Sambu na nki beto fwete pona bansaka ya mbote? Beno tala VIDEO mpi na nima beno pesa mvutu na bangiufula ya ke landa.
-
Sambu na nki bansaka yina bantu vandaka kusala na Roma ya ntama me fwanana ti bansaka ya nkaka bubu yai?
-
Mutindu video me monisa yo, nki dilongi Danny bakaka sambu na bansaka?
Beno tanga Baroma 12:9 mpi na nima beno pesa mvutu na ngiufula yai:
-
Inki mutindu verse yai lenda sadisa nge na kupona bansaka ya mbote?
Keti nge me zaba mwa mambu yina Yehowa ke mengaka? Beno tanga Bingana 6:16, 17 mpi Bagalatia 5:19-21. Na nima ya kutanga konso verse beno pesa mvutu na ngiufula yai:
-
Inki mambu ya kele na baverse yai nge ke monaka mingi na bansaka ya bilumbu na beto?
Bangiufula ya ta sadisa nge na kupona bansaka ya mbote
Kudiyula nde:
-
Inki nsaka mono ta sala? Keti yo kele ti mambu yina Yehowa ke mengaka?
-
Inki ntangu mono ta sala yo? Keti yo ta kanga mono nzila ya kusala mambu ya kuluta mfunu?
-
Mono ta sala yo ti banani? Keti yo ta sala nde mono ta kinduku to mono kangama ti bantu yina ke zolaka ve Yehowa?
Yo ke vandaka mbote na kuvanda ntama kibeni ti kisika mosi ya kele kigonsa. Mutindu mosi mpi beto fwete buya bansaka yonso yina lenda vanda kigonsa sambu na beto
4. Sadila ntangu na nge mbote
Beno tala VIDEO mpi na nima beno pesa mvutu na ngiufula ya ke landa.
-
Ata mpangi-bakala yai ya beto me tala na video vandaka kutala ve bansaka ya mbi, nki vandaka kima ya mpasi sambu na yandi?
Beno tanga Bafilipi 1:10 mpi na nima beno pesa mvutu na ngiufula yai:
-
Inki mutindu verse yai lenda sadisa beto na kuzaba kiteso ya ntangu yina beto fwete lutisa na bansaka?
5. Pona bansaka ya mbote
Bansaka ya nkaka ke sepedisaka ve Yehowa. Ata mpidina, bansaka mingi ya nkaka ke sepedisaka yandi. Beno tanga Longi 8:15 mpi Bafilipi 4:8. Na nima beno pesa mvutu na ngiufula yai:
-
Inki nsaka ya mbote nge ke zolaka kusala?
Nge lenda sala to kutala bansaka ya mbote ya kulutisa ntangu
BANTU YA NKAKA KE TUBAKA NDE: “Yo kele ve mbi na kutala bansaka ya ke monisaka mubulu, mambu ya nsoni to bisalu ya bampeve ya mbi sambu mono ke salaka yo ve.”
-
Inki mvutu nge ta pesa?
NA BUNKUFI
Yehowa ke zolaka nde beto pona, beto sala mpi beto tala bansaka ya mbote.
Inki Nge Me Simba?
-
Inki bansaka Bakristu fwete buya?
-
Sambu na nki beto fwete lutisa ve ntangu mingi na bansaka?
-
Sambu na nki nge ke zola kupona bansaka yina ke sepedisaka Yehowa?
TALA MPI
Tala kana mukumba ya kupona bansaka kele ya nani.
Tala mutindu nge lenda pona bansaka ya mbote ya kulutisa ntangu.
“Keti Bansaka na Nge Kevandaka ya Mbote?” (Nzozulu ya Nkengi, Oktobri 1, 2011)
Na disolo “Mu Nungaka Nkutu Kikalulu na Munu ya Kubuya Kundima Bantu ya Mpusu ya Nitu Yankaka,” tala mambu ya pusaka bakala mosi na kubuya bansaka ya mbi.
“Biblia Kesobaka Luzingu ya Bantu” (Nzozulu ya Nkengi, Marsi 1, 2010)
Tala mutindu mama mosi ke baka lukanu ya mbote ntangu yandi me bakisa nde filme yina yandi ke tala ke monisa bisalu ya bampeve ya mbi.
Nge Lenda Sepela Mpi Ti
BANGIUFULA YINA BANTU KE YULAKA MINGI
Inki Mutindu Bambangi ya Yehowa Ke Longukaka ti Bantu Biblia?
Ntangu nge ke longuka Biblia ti Bambangi ya Yehowa, nge lenda sadila konso Biblia yina. Nge lenda bingisa mpi dibuta na beno to banduku na nge na kulonguka nzila mosi ti nge.
