Pesa Yehowa Lukumu
Baka:
1. Yehowa muntu mosi ve,
Kele bonso nge Tata
Nki mu le futa nge sa nge
Me monisilaa mu zola?
Kana mu tala na zulu,
Mu’e mona ngolo, nkembo,
Ebuna mu kele nani,
Sa nge wila mono mawa?
(REFRAIN)
Yehowa mu’e Yimbila nge nkunga.
Sa na kukumisa nge.
Luyalu na nge ke na nsuka ve,
Yo yina nge fwe baka;
Nkembo ye mpi lukumu.
2. Tata mu fwe kumisa nge.
Na yonso ya mu’e sala.
Mu ta zabisa na kiese,
Bunene ti nkembo na nge.
Yehowa mu’e zolaa mingi,
Kusadila nge Tata.
Nge ke ngolo, nkembo na mu.
Twadisa mu kimakulu.
(REFRAIN)
Yehowa mu’e Yimbila nge nkunga.
Sa na kukumisa nge.
Luyalu na nge ke na nsuka ve,
Yo yina nge fwe baka;
Nkembo ye mpi lukumu.
3. Nzadi-mungwa mpi miwanda,
Ntangu mpi bambwetete
Ke pesaa mu kiese mingi
Mpi ke songaa zola na nge.
Mu ke monaka bunene,
Ngangu, kitoko na nge,
Mpi yo ke pusaka mono
Na kupesa nge lukumu?
(REFRAIN)
Yehowa mu’e Yimbila nge nkunga.
Sa na kukumisa nge.
Luyalu na nge ke na nsuka ve,
Yo yina nge fwe baka;
Nkembo ye mpi lukumu.
(Tala mpi Nk. 96:1-10; 148:3, 7.)