“Topẽ kuprĩg tóg ag mỹ tó ja nĩgtĩ, ag tỹ nén rán ke ti”. — 2 Timóteo 3:16, Topẽ Vĩ Rá.

à tỹ ki kanhrãn ke mũ, ẽg ne tugnĩn ẽg tỹ kãgter tĩ kar ẽg tỹ vẽnh kaga nỹtĩ. — Provérbios 2:1-5.

à tỹ ki kanhrãn ke mũ, ã ne han ke nĩ ã tỹ tĩg há han jé. — Salmo 119:105.

à tỹ ki kanhrãn ke mũ, Topẽ tỹ ã mỹ rĩr krỹg ja tũ nĩm sór vỹ. — Tito 1:2.

Háv, nén ũ tẽgtũ tugnĩn:

• Topẽ Vĩ Rá tỹ jykre pir tãvĩn nĩ. Jérĩn mỹ hã re mũn vãsỹ ũn ag tỹ 40 ke vỹ Topẽ Vĩ Rá ránrán ja nỹtĩ, prỹg e tãvĩ kãmĩ kar hã re mũn ũn tỹ Topẽ Vĩ Rá ránrán mũ ag tỹ jagnẽ ki kanhró tũ nỹtĩ, hã ra Topẽ Vĩ Rá vỹ ẽg mỹ jykre pir tãvĩn to kãmén nĩ.

• Ũn tỹ Topẽ Vĩ Rá ránrán ja ẽn ag ẽg mỹ ki hã kãmén tĩ. Ũn ag tỹ kygnẽ kỹ, ag pi ũn ag mỹ ki hã kãmén tĩ, tag to. Hã ra vãsỹ ũn tỹ Topẽ Vĩ Rá ránrán mũ ag tỹ kygnẽ kỹ, ag tỹ jykre kuryj nỹtĩ vã, hã tugnĩn ag tỹ ũn ag mỹ ki hã kãmén mũ. — 2 Crônicas 36:15, 16; Salmo 51:1-4.

• Nén ũ kar Topẽ Vĩ Rá vỹ ẽg mỹ tó ja tỹ hẽn ri ke ke kãn. Vãsỹ, Jesus tỹ ga kri tĩg nĩn kã, Topẽ Vĩ Rá tỹ ẽg mỹ tó ja kurã tỹ ẽgno to hã, ẽg tỹ nén ũ jagy venh ja ẽn tóg kar ũn e tãvĩ ag tỹ jykre kórég nỹtĩ mũ vã. — Mateus 24:7, 8; 2 Timóteo 3:1-5.

  Topẽ Vĩ Rá ki, Topẽ nén tó ja ũ ag han kãn mũ gé mỹr. Tag vỹ ẽg mỹ ven tĩ, Topẽ Vĩ Rá vỹ Topẽ tũ nĩ, ker? — 2 Pedro 1:21.