Topẽ tỹ ‘nén ũ kar to jykrén kỹ tóg hyn han ja nĩgtĩ’. — Nén venh ke 4:11

Topẽ Vĩ Rá ne ẽg mỹ kãmén tĩ, Topẽ to?

• Gênesis 17:1

  Ti vỹ vẽnh kar kri ke nĩ, vẽnh kar tar kãfór ẽn ti.

• Salmo 90:2

  Vãsỹ Topẽ tóg nĩ, ũri ti tóg nĩ, kar ti tóg nĩ hã ki tĩnh ke mũ gé.

• Mateus 6:9

  Topẽ vỹ tỹ ẽg Panh nĩ. Ti tỹ ẽg tỹ mỹ há nỹtĩ ve sór tĩ.

• Han kãme 17:27

  Topẽ tỹ ẽg tỹ ti mré há nỹtĩ sór tĩ.

Topẽ jyjy vỹ tỹ Jeová nĩ, ‘ti jyjy tag tóg tũ henhꞌ ke tũ pẽ nĩ’. — Êxodo 3:15

Ũn ag ne tugnĩn Topẽ jyjy ki kanhró ke nỹtĩ?

• Salmo 83:18

  Topẽ vỹ ti vĩ rá ki kãmén mũ, ti jyjy tỹ tỹ Jeová nĩ. Hã ra ũn tóg Topẽ jyjy kunũg mũ, Topẽ Vĩ Rá ũ ag ki. Vẽnh vĩ tỹ “Topẽ” kar “Senhor” pi tỹ ũn jyjy pẽ nỹtĩ. Jeová tỹ ũn ag tỹ ti mré vĩ mũ ve sór tĩ, ti jyjy pẽ tỹ.

• Êxodo 3:14

  Topẽ jyjy tỹ Jeová to ken hã vẽ, hã vỹ: “ti tỹ nén ũ han to jykrén kỹ tóg nén ũ ẽn han kãn nĩgtĩ”. Kỹ Jeová tỹ nén ũ han sór kỹ, ti tỹ nén to jykrén ja ẽn han kãn nĩgtĩ, ti tỹ tỹ nén ũ kar hyn han fã nĩ tugnĩn.

“Topẽ jykre vẽ, hã vỹ: ẽg to há, he mũ.” — 1 João 4:8

Topẽ tỹ ẽg to há mũ ne tugnĩn ẽg mỹ há nĩ?

• Êxodo 34:6; Salmo 37:28

  Jeová vỹ fe há nĩ, kỹ ti vỹ vẽnh kar to kanẽ jur tĩ, ti tỹ vẽnh kar ajũna ke sór tĩ. Ti tỹ ũn tỹ ki hã tó tĩ ag to há nĩ, kar ũn jykre kuryj ag.

• Salmo 86:5

  Jeová vỹ ẽg mỹ vẽnh pãte fón tĩ.

• 2 Pedro 3:9

  Jeová vỹ ẽg to krĩ kusa nĩ.

• Nén venh ke 15:4

  Topẽ tỹ ẽg to jykre pir nĩ.

“Ãjag krĩ kufy nĩn kỹ ti hã mỹ tóm nĩ. Kỹ tóg ãjag mỹ ãjag krĩ kuprãg ke mũ. Ti hã vỹ ẽg ki rĩr nĩgtĩ.” — 1 Pedro 5:7

à hã ren kỹ ki kanhró pẽ ke mũ, Topẽ tỹ ã to kanẽ jur tĩ?

• Salmo 37:9-11

  Ũn jykre pãno ag tỹ nén ũ kórég hyn han tĩ, kỹ ẽg tóg vẽsỹrinhrénh tĩ. Topẽ tỹ ẽg mỹ tó ja, ti tỹ kãnhmar vẽnh vẽsỹrénh tũꞌ kenh ke mũ. Vẽnh kar tỹ jatun mỹ nỹtĩnh ke mũ mỹr.

• Tiago 4:8

  Jeová tỹ ã tỹ ti mré há nĩ sór tĩ.

• João 17:3

  Ã tỹ Topẽ to kanhrãn hã ki tĩn kỹ, ã tỹ Topẽ tỹ ã to kanẽ jur tĩ ki kanhró kãfór ke mũ. Kỹ ã tóg ti to há kãfór ke mũ.