“Ẽg Senhor ti mỹ vĩ há han, kanhkã tãn ti mỹ. Tigtar ãjag nỹtĩ, Topẽ tỹ jẽnẽ jafã!” — Salmo 103:20

Topẽ Vĩ Rá ne ẽg mỹ ke tĩ, Topẽ tỹ jẽnẽ jafã ag to, anjo ag to?

• Jó 38:4-7

  Jeová tỹ ga han ke jo, ti vỹ kanhkã tá Topẽ tỹ jẽnẽ jafã ag hyn han mũ.

• Nén venh ke 5:11

  Topẽ tỹ jẽnẽ ja fã e tãvĩ vỹ nỹtĩ.

• 1 Pedro 1:10-12

  Topẽ tỹ jẽnẽ jafã ag tỹ Jeová vẽjykre tỹ hãn ri ke tĩ ag ki kanhrãn há sór nỹtĩg tĩ, ga to.

• Lucas 15:10

  Topẽ tỹ jẽnẽ ja fã ag tỹ ũn tỹ Topẽ mỹ rãnhrãj tĩ ag to kanẽ jur tãvĩ tĩ.

“TOPẼ [“Jeová”, TNM] tỹ jẽnẽ jafã tóg ũ tỹ ti kamẽg mũ ag pénĩn tĩgtĩ, ti tỹ ag krenkren han jé.” — Salmo 34:7

Ẽg hã ren kỹ ki kanhró nỹtĩ, Topẽ tỹ jẽnẽ ja fã ag tỹ ẽg ajũna ke tĩ?

• Gênesis 19:15, 16; Daniel 6:22; Lucas 22:43; Han kãme 12:6-11

  Topẽ tỹ jẽnẽ jafã ag tóg Ló, Daniel, Jesus kar Pedro ajũna ke mũ.

• Hebreu 1:7, 14

  Ũri Jeová vỹ ũn tỹ ti mỹ rãnhrãj tĩ ki rĩr tĩ, Topẽ tỹ jẽnẽ jafã ag tỹ.

“Satanás tỹ ẽg tỹ hẽ ri ke tũ nĩ jé sóg vẽnh pãte fón mũ. Nén kórég tỹ ẽg kókén sór mũ ẽn ki kanhró ẽg tóg nỹtĩ.” — 2 Corinto 2:11

Ũn tỹ ne nỹ vẽnh kuprĩg kórég ag ti? Ẽg ne to vẽnh ki rĩr ke nỹtĩ, ag to?

• Nén venh ke 12:9

  Topẽ tỹ jẽnẽ jafã ũ tóg Jeová kato vãsãn mũ. Topẽ Vĩ Rá vỹ ti to: “Satanás hã vẽ”, ke tĩ.

• Gênesis 6:2

  Noé tỹ ga kri tĩg nĩn kã, Topẽ tỹ jẽnẽ jafã ũ ag tỹ Topẽ kato vãsãnsãn kỹ nỹtĩ, kỹ ag tóg ga ra kãmũ mũ.

• Mateus 9:34

  Topẽ tỹ jẽnẽ jafã ẽn ag tóg vẽsỹ vẽnh kuprĩg kórég han mũ. Ag tỹ Satanás nón mũg tĩ.

• Deuteronômio 18:10, 11

  Vẽnh kuprĩg kórég ag tỹ ũn ag krĩn kónãn sór mũ, kar ag tỹ ũn ag mỹ nén ũ kórég hyn han sór tĩ.

“Japo mỹ: ‘nejé,’ hem nĩ, ti tỹ ãjag krĩn sór kỹ. Kỹ tóg ãjag tovãnh ke mũ sir, ãjag tỹ ti mỹ: ‘nejé,’ hen kỹ.” — Tiago 4:7

à ne han ke nĩ, Jeová tỹ ã tar han jé, ã tỹ Satanás kar vẽnh kuprĩg kórég ag kato vãsãn jé?

• Han kãme 19:19

  Ã tỹ Nén-Kórég tũ ag tugvãnh ke nĩ.

• Éfeso 6:16, 18

  Topẽ Vĩ Rá to kanhrãn nĩ, ã tỹ Topẽ kri fi kãfór jé. Jeová mỹ to vĩm nĩ, ti tỹ ã ki rĩr jé.

• Provérbios 18:10

  Ã tỹ Topẽ mré vãmén kỹ, Topẽ jyjy tỹ Jeová vãmén nĩ.