‘Isóg ẽn kã ãjag jo ke tỹ inh vĩ han jé tó ja nĩ, isỹ tỹ ag Topẽ nĩ jé, ag tỹ tỹ inh mré ke nỹtĩ jé.’ — Jeremias 7:23

Ũn mỹ Topẽ mré há nĩnh ke mũ hẽn?

• Gênesis 22:18; Tiago 2:23

  Abraão tỹ tỹ Topẽ mré ke nĩ vã, ti tỹ Topẽ vĩ han, kar Topẽ kri fi ja nĩgtĩ tugnĩn.

• 2 Crônicas 16:9

  Jeová vỹ vẽnh kar tỹ ti vĩ ki króm tĩ ag ve há han ke mũ.

• Salmo 25:14 kar 32:8

  Jeová vỹ ti mré ke ag kanhrãnrãn há han tĩ, ag tỹ mũ há han jé.

• Salmo 55:22

  Jeová vỹ ti mré ke ag ve há han tĩ.

“Kỹ tóg ã tỹ nén jagy vég mũ ra, TOPẼ kato vĩ jãn tũ nĩ. TOPẼ tovãnh sór jãn tũ tóg nĩ, Jó ti.” — Jó 1:22

Satanás ne hyn han ke, Jó mỹ? Kar Jó ne han ke?

• Jó 1:10, 11

  Satanás tóg Jó to: ‘ti pi Topẽ to há nĩ, ti tỹ ti tũ kren kỹ, ti tỹ Topẽ tovãnh ke mũ’, ke mũ.

• Jó 1:12-19 kar 2:7

  Jeová tóg Satanás mỹ: ‘ã tỹ Jó tỹ nén kar ki nén han sór mũ ẽn han nĩ ge’, ke mũ. Kỹ Nén-Kórég tóg Jó tỹ kaga jagy han mũ.

• Jó 27:5

  Jó pi ki kanhró nĩ vã, ti ne to vẽsỹrénh ke tĩ ti. Ge ra tóg Topẽ kri fi hã ki tĩ mũ.

“Ẽg tỹ vãhã ti fár vóg kónãn kỹ tóg ã mỹ vĩ ke mũ. Ã tovãnh jé tóg ke mũ”. — Jó 2:4, 5

Satanás ne ẽg mỹ han tĩ, ẽg tỹ Jeová mré há tũ nỹtĩ jé?

• 2 Corinto 11:14

  Satanás vỹ ẽg kutãn vãsãn tĩ, ẽg tỹ Jeová vĩ jẽmẽ há han tũ nỹtĩ jé.

• Provérbios 24:10

  Nén-Kórég tỹ ẽg tỹ ẽg vẽjykre kórég to jykrén mág han sór tĩ, ẽg tỹ Jeová mỹ rãnhrãj krỹg ke jé.

• 1 Pedro 5:8

  Satanás vỹ ẽg kutãn vãsãn tãvĩ tĩ, ẽg tỹ Topẽ tovãnh jé.

• Provérbios 27:11

  Ã tỹ Topẽ vĩ jẽmẽ há han kỹ, ã tỹ Topẽ mré há nĩnh ke mũ. Kar ã tóg vẽnh kar mỹ ven ke mũ, Satanás tỹ tỹ ũn ón kamã nĩ.

“Ti to há nĩ to ken hã vẽ. Ti vĩ pijé kufy nĩꞌ, ẽg tỹ nén ki króm ke ti.” — 1 João 5:3

à ne han ke nĩ, ã tỹ Jeová mré há nĩ jé?

• Deuteronômio 6:5

  Topẽ to há nĩ. Tag vỹ ã tar han ke mũ, ã tỹ Topẽ vĩ han sór jé.

• Isaías 48:17, 18

  Topẽ vĩ jẽmẽ há han nĩ, kỹ ã tóg tĩg há han ke mũ mỹr.

• Deuteronômio 30:11-14

  Jeová kri fim nĩ. Ti tỹ ẽg mỹ nén ũ to vĩn kỹ, ti tỹ ẽg kri fig tĩ, ẽg tỹ nén ũ ẽn han kãn ke mũ.

• Filipos 4:13

  Ki hã han nĩ. Kỹ Jeová vỹ ã tar han ke mũ.