Topẽ “hã ki ẽg tóg rĩnrĩr nỹtĩ.” — Salmo 36:9

Ẽg hã ren kỹ Topẽ mỹ ven tĩ, ẽg tỹ vẽnh ki rĩr há han tĩ?

• Han kãme 17:28; Nén venh ke 4:11

  Ẽg tỹ rĩnrĩr nỹtĩ vỹ tỹ Jeová nén ũ há tãvĩ nĩ, ẽg mỹ. Ẽg tỹ tag mĩ ãkrén ke nỹtĩ.

• Êxodo 21:22, 23; Deuteronômio 5:17

  Ũn pi ũnꞌ ũ tén ke nĩ, kar ũn fi pi fi kósin fan ke nĩ.

• 1 João 3:11, 12, 15

  Ẽg pi ũn ag to kry ke nỹtĩ.

• 2 Corinto 7:1

  Ẽg tỹ jãnhkri nỹtĩ ke nỹtĩ, kỹ ẽg pi sĩgar kar sĩgar kórég ko ke nỹtĩ.

• Salmo 11:5

  Jagnẽ to rárá mũ to há tũg nĩ.

“Ti kyvénh kã ti nĩ, ti rĩr nĩ ti.” — Levítico 17:14

Topẽ ne ũn rĩr nĩ kar ũn kyvénh to jykrén tĩ?

• Gênesis 4:10; Deuteronômio 12:23

  Ũn kyvénh to ken hã vẽ, hã vỹ: “ti rĩr nĩ ti”, ke mũ.

• Gênesis 9:3, 4

  Ẽg tỹ nén ũ nĩ ko há tĩ, hã ra ẽg pi ti kyvénh ko ke nỹtĩ.

• Han kãme 15:28, 29 kar 21:25

  Médico ũ ag mỹ, ũn kyvénh vỹ vẽnh kagta ri ke nĩ. Hã ra Topẽ vỹ ẽg mỹ ke tĩ, ẽg pi hã re kã ũn kyvénh tỹ vẽnh ki rĩr ke nỹtĩ.

• Hebreu 11:6

  Ẽg tỹ Jeová mré há nỹtĩ vỹ nén ũ kar kãfór nĩ.

“Jesus vỹ ẽg kykũnh ke mũ sir, ti kyvénh tỹ, ẽg tỹ ti vĩ mranh ja hã ra.” — 1 João 1:7

Jeová vỹ nén ũ há tỹ ne ẽg mỹ vin tĩ, Jesus tỹ ẽg jagfy ter ja tugnĩn?

• Levítico 17:11

  Vãsỹ, Israel krẽ ag tỹ Jeová mỹ to vĩn kỹ, ti tỹ ag mỹ vẽnh pãte fón jé, ag tỹ ag mẽg tãnh tĩ, kar Topẽ tũ ki rĩr tĩ ag tỹ nén pũn jafã tá ag mẽg kyvénh kugjẽn tĩ.

• Mateus 20:28; Hebreu 9:11-14

  Jesus kyvénh vỹ ẽg jagfy ti kutã ja nĩ, ẽg krenkren han jé. Hã kỹ, ũri ẽg pi ẽg mẽg tãnh ke nỹtĩ, ẽg tỹ Topẽ mỹ to vĩ jé, ti tỹ ẽg mỹ vẽnh pãte fón jé.

• João 3:16

  Jesus tỹ ẽg jagfy ter ja nĩ. Hã kỹ Jeová tỹ ẽg tỹ rĩr krỹg ja tũ ẽn venh han ke mũ.