“Ag jãvo jãnkã sĩ ẽn fĩn rãm sórm nĩ, ãjag tỹ rĩr krỹg ja tũ ve jé. Ti sĩ nĩn kỹ tóg fĩn rãm jagy nĩ, hã kỹ ũn pipir ag hã vỹ jãnkã sĩ fĩn rãm ke mũ.” — Mateus 7:14

Religião kar mỹ Topẽ mỹ há nỹtĩ hẽn?

• Mateus 7:21-23

  Religião kar pi Topẽ mỹ há nỹtĩ. Religião e tãvĩ pi Topẽ vĩ ki hã han tĩ.

• Mateus 7:13, 14

  Ũn tỹ Topẽ vĩ ki hã han kỹ, ti tỹ rĩr krỹg ja tũ ẽn venh ke mũ. Hã ra ũn tỹ ón kỹ religião nón tĩg kỹ, ti vỹ tũꞌ kenh ke mũ.

• Mateus 7:16, 17

  Ã tỹ Topẽ Vĩ Rá to kanhrãn kỹ, ã tỹ religião pẽ venh ke mũ, ti han fã tugnĩn. Kỹ ã pi religião kar tugnỹgnỹm ke nĩ.

• 1 Tessalônica 2:13; 2 Timóteo 3:16, 17

  Topẽ Vĩ Rá kri fim nĩ, kar Topẽ vĩ hã kãmén nĩ.

• Mateus 4:10; Hebreu 2:12

  Jeová mỹ rãnhrãj nĩ, kar ti jyjy to kãmén nĩ.

• João 13:35

  Topẽ mỹ ven nĩ, ã tỹ ũn ag to há nĩ.

• João 3:36; Han kãme 4:12

  Jesus vĩ jẽmẽm nĩ. Topẽ vỹ ẽg krenkren han tĩ, Jesus tỹ.

• João 18:36; Han kãme 5:29

  Política han sór tũg nĩ.

• Mateus 24:14 kar 6:10

  Ũn ag mỹ kãmén nĩ, Topẽ Pãꞌi tãvĩn vỹ nén ũ vẽnh mỹ kar tỹ tũꞌ kenh ke mũ.

à ne han ke nĩ, ã tỹ ã rãnhrãj tỹ Topẽ mỹ há han jé?

• Tiago 2:19

  Topẽ tỹ ũn kren han jé, ũn ẽn tỹ Topẽ kri fi ke nĩ, kar ti tỹ Topẽ vĩ jẽmẽ há han ke nĩ gé.

• Isaías 52:11; Nén venh ke 17:5

  “Babilônia” mág to ken hã vẽ, hã vỹ tỹ ón kỹ religião ag nĩ. Ón kỹ religião pi ũn ag mỹ Topẽ vĩ ki hã kãmén tĩ. Ag tỹ ũn ag mỹ ón kỹ kãmén tĩ, Topẽ tỹ tỹ Jesus nĩ, kar ũn tỹ ter kỹ, ti kuprĩg vỹ rĩr nĩ hã ki tĩ, kar ag tỹ ón kỹ kãmén tĩ gé, ũn jykre pãno tỹ ter kỹ, Topẽ vỹ inferno ki ũn jykre pãno ẽn fón tĩ. Hã ra ag vĩ tag ag tỹ tỹ vẽnh unꞌó nỹtĩ sir.

• Nén venh ke 18:4, 8

  Kãnhmar Jeová vỹ ón kỹ religião ag tỹ tũꞌ kenh ke mũ. Kỹ ã tỹ ón kỹ religião vyr mỹ nĩ ke nĩ.

• Marcos 10:28-30

  Hã re mũn ã mré ke ũn vỹ ã tovãnh ke mũ, ã tỹ Topẽ mỹ rãnhrãj nĩ tugnĩn. Hã ra Jeová pi hã re kã ã tovãnh ke mũ mỹr.