Jeová tóg: “Ag ré kỹ mũm nĩ, vyr mỹ nỹtĩm nĩ. Vẽjykre kavéj han tũg nĩ”, ke mũ. — 2 Corinto 6:17

Ũn tỹ vẽnh kãgrá tỹ topẽ mré vẽmén kỹ, kar ũn ter ja mré vẽmén kỹ, tag ne tugnĩn Topẽ mỹ há tũ nĩ?

• Êxodo 20:4, 5; 1 João 5:21

  Jeová pi ẽg tỹ vẽnh kãgrá tỹ topẽ mỹ vĩ há han mũ ve sór tĩ.

• Deuteronômio 18:10-12

  Ũn tỹ ũn ter ja mré vãmén kỹ, ti jykre ki, ti tỹ ũn ter ja ẽn mré vẽmén mũ, hã ra ti tỹ vẽnh kuprĩg kórég mré vĩ mũ.

“Vẽjykre tỹ ẽg Senhor mỹ há nỹ ẽn hã han sórm nĩ. Ẽn hã to jykrén mág nĩ.” — Éfeso 5:10

Ũn tỹ ã jé prẽr kỹ, ã tỹ fénhta venh tĩ jé, ã ne to jykrén vén ke nĩ?

• Ezequiel 44:23; 2 Corinto 6:14, 15

  Vẽnh ki jãmãm nĩ, fénhta ẽn to: “fénhta tag mỹ Topẽ mỹ há nĩ hẽn?”.

• Êxodo 32:2-10

  Hã re mũn ũn tỹ ti vẽjykre há tugnĩn fénhta ũ han sór mũ, hã ra hã re mũn fénhta ẽn vỹ Topẽ mỹ há tũ nĩ.

• Daniel 3:1-27

  Feriado e vỹ nỹtĩ, feriado ũ ag tỹ ũn to kãmén tĩ, feriado ũꞌ ũ vỹ ẽmã ũ to kãmén tĩ. Ẽg tỹ feriado tag ag vyr mỹ nỹtĩ sór tĩ.

• 1 Timóteo 1:18, 19

  Nén ũ ag kuprẽg há han nĩ, ã krĩ tỹ kãnhvy nĩ jé.

“Nén ũ há tỹ vẽmén nĩ, vẽnh kar mỹ sér tĩ jé, ag tỹ ãjag vĩ mẽn kỹ. Kỹ ãjag tóg vẽnh kar mỹ kãmén há han ki kanhró nỹtĩnh mũ.” — Colossos 4:6

Ẽg hã ren kỹ ẽg tỹ nén kri fig tĩ ag kãmén ke mũ, ũn ag mỹ?

• Mateus 7:12

  Ẽg tỹ nén ũ han kỹ, ẽg pi ũn tỹ ẽg to vĩ mũ ve sór tĩ, kỹ ũn tỹ nén ũ han kỹ, ẽg pi ti to vĩ sór tĩ gé.

• 2 Timóteo 2:24

  Komẽr hã vĩm nĩ, ã tỹ nén kri fig tĩ ag to.

• 1 Pedro 3:15

  Ũn tỹ ã ki nén ũ jẽmẽ kỹ, Topẽ vĩ to, ti mỹ komẽr hã kãmén há han nĩ.

• Hebreu 10:24, 25

  Jesus nón mũnh fã vẽnhmãn venh kãtĩm nĩ. Ẽg mré ke ag tỹ ã kanhrãn ke mũ, ã tỹ Topẽ vĩ to kãmén há han jé.