“Tag ki tóg goj nĩ. Ã tỹ ki inh kype jé tóg há nĩ.” — Han kãme 8:36

Ũn ne tugnĩn vẽnh kype ke nĩ? Kar ti hã ren kỹ vẽnh kypenh ke mũ?

Ũn tỹ vẽnh kype kỹ, ti vỹ vẽnh kar mỹ ven tĩ, ti tỹ ti vẽjykre si ẽn ag tugvãnh kỹ nĩ, kar tóg sir Topẽ vẽjykre hã han sór tĩ.

• Mateus 28:19, 20

  Ã tỹ Topẽ mỹ rãnhrãj sór kỹ, ã tỹ vẽnh kype ke nĩ.

• Salmo 40:8

  Ũn tỹ vẽnh kype kỹ, ti tỹ vẽnh kar mỹ ven tĩ, ti tỹ Topẽ mỹ rãnhrãj sór tĩ.

• Mateus 3:16

  Ũn tỹ Jesus kype ja ẽn vỹ Jesus tỹ goj ki pun ke han ke, kar tóg Jesus tỹ goj kã kutẽ han mũ. Tag vỹ hãn ri ke ke nĩ, ũn tỹ vẽnh kype kỹ.

“Ẽg tỹ Topẽ to há nỹtĩ sór kỹ ẽg tóg ti vĩ ki króm ke mũ gé. Ti to há nĩ to ken hã vẽ. Ti vĩ pijé kufy nĩꞌ, ẽg tỹ nén ki króm ke ti.” — 1 João 5:3

à ne to Jeová mỹ vẽnh fẽg mũmẽg ke tũg nĩ?

• Salmo 103:14; Isaías 41:10

  Vẽnh kar tóg Topẽ vĩ mranh tĩ. Hã ra ã tỹ Jeová mỹ vẽnh fẽg kỹ, ti vỹ ã tar han ke mũ, ã tỹ ki hã han jé.

• Colossos 1:10

  Ã tỹ Jeová to há mũ vỹ ã tar han ke mũ, ã tỹ nén ũ jagy ag vẽnh pãtá rãg há han jé.

“Isóg ã jykre hã han sór tĩ. Inh fe kãkã tóg nĩgtĩ. Ẽg Jóg tỹ Topẽ, ã jykre tóg inh mỹ han sér tĩgtĩ.” — Salmo 40:8

à tỹ vẽnh kype ke jo, ã ne hyn han ke nĩ?

• João 17:3

  TOPẼ VĨ RÁ TO KANHRÃN NĨ

  Ã tỹ Jeová kar Jesus ki kanhró ke nĩ. Ã tỹ ag to kanhrãn kãfór kỹ, ã tỹ ag to há kãfór ke mũ gé.

• Hebreu 11:6

  JEOVÁ KAR JESUS KRI FIM NĨ

  Topẽ tỹ nén tó ja ag kri fi tãvĩ nĩ. Jesus vỹ ẽg jagfy ter ja nĩ, ẽg krenkren han jé, kỹ tag kri fim nĩ gé.

• Han kãme 3:19

  Ã TỸ FE KRÓJ NĨ VEN NĨ, TOPẼ MỸ

  Ã tỹ Topẽ mỹ ven ke nĩ, ã tỹ fe krój nĩ, ã tỹ vẽjykre kórég hyn han ja tugnĩn.

  VẼJYKRE KÓRÉG TUGVÃNH NĨ

  Ã tỹ nén ũ kórég han mũ ag tugvãnh nĩ, ã tỹ Topẽ vĩ hã han jé.

• 1 Pedro 4:2

  JEOVÁ MỸ VẼNH FẼG NĨ

  Ã tỹ Jeová mỹ vẽnh fẽg sór kỹ, ã tỹ ã fe kãtá Jeová mré vĩ ke nĩ, ã tỹ ti tãvĩn mỹ rãnhrãj sór mũ to. Ã tỹ Topẽ mỹ vẽmén ke nĩ gé, ã tỹ ti vĩ han vãsãn hã ki tĩnh ke mũ.