“Ũn jykre há ag tóg TOPẼ tỹ ag mỹ ga há ven ke ẽn hã ki ẽmãnmãn ke mũ. Jatun mỹ ag tóg tá mũnh ke mũ.” — Salmo 37:29

Topẽ ne to ẽg hyn han ke?

• Gênesis 1:28

  Topẽ tỹ ũn ag tỹ krẽ e tãvĩ hyn han mũ ve sór tĩ vã, kar ag tỹ ga kar misu ag tỹ rĩr há han ke nỹtĩ vã, ga tỹ vẽsỹ ga sĩnvĩ han jé.

• Isaías 46:9-11 kar 55:11

  Topẽ tỹ ũn ag mỹ nén to jykrén ja ẽn ag hãn ri kenh ke mũ mỹr.

“Ẽprã ke ũ ag vỹ tỹ Satanás krẽm ke kar nỹtĩ.” — 1 João 5:19

Ẽpra ke ũ ag tỹ ũ nẽ krẽm ke kar nỹtĩ?

• João 12:31

  Ũn tỹ Topẽ vyr mỹ nỹtĩ ag kãmĩ, Satanás tỹ tỹ ũn mág nĩ, ke tóg Jesus ti.

• Tiago 1:13-15

  Nén-Kórég vỹ Jeová nén ũ mãn sór mũ. Satanás tóg ũn ag tỹ ti mỹ rãnhrãj mũ ve sór mũ.

• Gênesis 2:17 kar 3:1-6

  Satanás vỹ Eva fi krĩn kónãn mũ. Adão kar Eva fag tỹ Topẽ vĩ mranh kỹ nỹtĩ. Hã kỹ, Adão kar Eva fag vỹ kófãnfãn kar kãgter pẽ mũ sir.

• Roma 3:23 kar 5:12

  Ẽg tỹ tỹ Adão krẽꞌkrẽ nỹtĩ, hã tugnĩn ẽg tỹ kãgter tĩ gé.

• 2 Corinto 4:3, 4

  Nén-Kórég vỹ ũn ag krĩn kónãn tĩ.

“Ẽg jé kãnhmar ã tỹ tỹ ẽg pãꞌi nĩ vé. Vẽnh kar jé ã tỹ nén to jykrén mũ ẽn han sór, ga tá ke kar, ag jé kanhkã tá ke kar ag ri ke han.” — Mateus 6:10

Jeová ne hyn han ke mũ?

• Daniel 2:44

  Topẽ Pãꞌi tãvĩn vỹ ga tỹ rĩr ke mũ.

• Nén venh ke 16:14-16

  Topẽ vỹ nén ũ kórég kar tỹ tũꞌ kenh ke mũ, vẽnh génh tỹ Armagedom ki.

• Isaías 9:6, 7

  Jeová vỹ Jesus kuprẽg mũ, Jesus tỹ tỹ Pãꞌi mág nĩ jé, Topẽ Pãꞌi kãmĩ. Jesus vỹ kanhkã tá ga tỹ rĩr ke mũ.

“Ti tỹ vẽnh kar mỹ vẽjẽn nĩm kỹ tóg nĩm mág han mũ, vẽnh kar mỹ tóg nĩm mág han tĩ, ti tỹ ag mỹ tũꞌ he tũ nĩ jé.” — Salmo 145:16

Topẽ Pãꞌi ne ẽg mỹ hyn han ke mũ?

• Salmo 46:9

  Vẽnh génh vỹ tũꞌ kenh ke mũ, kar ũn ag pi ũnꞌ ũ mỹ nén ũ kórég han mãn ke mũ gé.

• Isaías 32:18 kar 65:21-24

  Ga Há ki, ũn ag tỹ ĩn sĩnvĩ kar jakré há nỹtĩnh mũ, kar vẽnh kar vỹ jatun mỹ nỹtĩnh mũ mỹr.

• Salmo 72:16

  Vẽnh kar vỹ vẽjẽn e nỹtĩnh ke mũ.

• Isaías 11:6-9

  Misu ag pi ũn ag kypra sór ke mũ. Ũn ag pi misu ag kygrãn ke mũ.

• Isaías 33:24; Han kãme 24:15

  Ũn pi vẽnh kaga nỹtĩnh ke mũ. Ũn kagter ja ag vỹ ga ki rĩnrĩr mãn ke mũ.