‘Isóg vẽnh kar jagfy ter ke mũ, sỹ ag krenkren han jé. Tỹ sóg ẽprã ke fi kósin nĩ.’ — Mateus 20:28

Ũn ne to ẽg kar krenkren han ke nĩ?

• Gênesis 3:17-19

  Adão tỹ Topẽ vĩ mranh kỹ, ti pi Topẽ mré há nĩ sir. Tag tugnĩn Topẽ vỹ Ga Sĩnvĩ tỹ Éden tá ti kutẽm mũ.

• Roma 5:12

  Ẽg tỹ tỹ Adão krẽꞌkrẽ nỹtĩ. Hã kỹ, ẽg tỹ Topẽ vĩ mranh tĩ, kar ẽg tỹ kãgter tĩ gé.

• Éfeso 1:7

  Jeová vỹ Jesus ter ja tugnĩn ẽg krenkren han tĩ, ẽg pi ti vĩ mranh mãn nỹtĩ jé, kar ẽg pi kãgter nỹtĩ jé.

“Ti kósin pir jẽnẽ ja [Topẽ] tóg nĩgtĩ, ti tỹ ga kri mur jé, ẽg tỹ ti kósin tugrĩn rĩr krỹg ja tũ ẽn ve jé.” — 1 João 4:9

Jeová hã ren kỹ ẽg krenkren han ke?

• Salmo 49:7, 8

  Ũn pijé nén ũ tỹ vẽnh jagfy Topẽ mỹ kajãm há nĩnh ke mũ vẽ, ti ter tũ nĩ jé. Hã kỹ ũn tỹ Topẽ vĩ mranh ja tũ nĩ vỹ ẽg krenkren han ke nĩ vã.

• Lucas 1:35

  Jeová vỹ Jesus jẽnẽ ja nĩ, ga ra. Ti tỹ ga ki mur kỹ, ti tỹ ũn tỹ Topẽ vĩ mranh ja tũ ri ke nĩ vã.

• Roma 3:23, 24; Hebreu 9:24

  Jesus tỹ ga ki ter kỹ, Jeová vỹ Jesus rĩr mãn ke, ti tỹ kanhkã ra vỹn ke jé. Kar Jeová vỹ Jesus ter ja tỹ vẽnh kar krenkren han mũ.

“Ag kanẽ var tỹ tũꞌ he kãn jé tóg ke mũ ha. Ũ tóg ter mãn ke tũ pẽ nĩ ha.” — Nén venh ke 21:4

Jesus ter ja hã ren kỹ ẽg ajũna ke tĩ?

• 1 João 1:8, 9

  Topẽ vỹ ẽg mỹ vẽnh pãte fón tĩ, ẽg kygnẽ ja ag to.

• Hebreu 9:13, 14

  Ẽg tỹ Topẽ rĩnve krĩ kãnhvy nỹtĩ.

• Roma 6:23

  Ẽg tỹ rĩr krỹg ja tũ ẽn venh ke mũ mỹr.

• Galácia 2:20

  Jeová kar Jesus ag tỹ ẽg to há tãvĩ nỹtĩ, hã kỹ Jeová vỹ Jesus jẽnẽ mũ, ẽg jagfy ter jé.

“Topẽ vỹ ga kri mũ ag to há nĩ. Hã kỹ tóg ti kósin pir fẽg, vẽnh kar tỹ ti ki ge jé, ãjag tỹ tũꞌ he tũ nĩ jé, ãjag tỹ ẽg rĩr krỹg ja tũ ẽn ve jé.” — João 3:16

Ẽg hã ren kỹ Jeová kar Jesus mỹ ven tĩ, ẽg tỹ mỹ há nỹtĩ, Jesus tỹ ẽg jagfy ter ja tugnĩn?

• João 17:3

  Jeová kar Jesus ki kanhró nĩ, kar ag kãgran nĩ.

• Lucas 22:19

  Prỹg kar ki, Vẽnhmãn tỹ Jesus Ter Mĩ Ẽkrén Fã venh tĩm nĩ.

• João 3:36; Tiago 2:17

  Jesus tỹ nén kãmén ja kar ki króm nĩ. Ti mỹ ven nĩ, ã tỹ ti kri fi pẽ nĩ.