“Ũn kãgter ag vỹ nén ũ ki kagtĩg kar nỹtĩ.” — Eclesiastes 9:5

Ũn tỹ ter kỹ, ne nỹ ti mỹ hẽn ri ke tĩ?

• Salmo 146:3, 4; Eclesiastes 9:6, 10

  Ũn tỹ ter kỹ, ti pi nén ũ vég tĩ, ti pi nén ũ mẽg tĩ, kar ti pi nén ũ to jykrén tĩ.

• João 11:11-14

  Ũn tỹ ter kỹ, ti vỹ ũn tỹ nũr mũ ri ke nĩ, ke tóg Jesus ti.

‘Ã tóg ka tỹ ẽg kanhrãn tĩ kanẽ konh ke tũ nĩ. Ka ẽn kanẽ ko tũg nĩ, ã tỹ ti kanẽ ko kỹ ã ter ke mũ, ha vẽm nĩ.’ — Gênesis 2:17

Ẽg ne to kãgter tĩ?

• Gênesis 3:1-6

  Satanás tóg Eva fi krĩn kónãn mũ. Adão kar Eva fag tỹ Jeová vĩ jẽmẽ há han tũn kỹ, fag tóg Topẽ vĩ mranh mũ sir. Tag tugnĩn fag vỹ kãgter pẽ mũ.

• Gênesis 3:19

  Adão tỹ ter ke kar, ti tóg vẽsỹ ga funfur han mãn mũ, ti vỹ tũꞌ ké.

• Roma 5:12

  Adão tỹ Topẽ vĩ mranh ja ẽn vỹ vẽnh kaga ri ke nĩ. Kỹ ẽg tỹ munmur kỹ, ẽg tỹ vẽnh kaga tag nỹtĩ gé. Hã tugnĩn ẽg tỹ Topẽ vĩ mranh kar kãgter tĩ gé.

• 1 Corinto 15:26

  Ẽg ter mũ pi tỹ nén ũ há nĩ.

“Ũ mỹ ti ter kar kỹ rĩr mãn ke mũ vỹ? Ge ra sóg kurã há jãvãnh ke mũ vẽ.” — Jó 14:14

Ẽg tỹ Topẽ Vĩ Rá ki ũn kãgter ja ag to kanhrãnrãn kỹ, ẽg tỹ vẽjykre kórég tỹ ne tugvãnh tĩ?

• 1 João 4:8

  Ũn ag tỹ Topẽ to: “Topẽ tỹ inferno ki ũn ag kugpũr tĩ”, ke tĩ. Tag tỹ tỹ vẽnh ó nĩ, Jeová to. Ti pi hã re kã ũn tỹ vẽsỹrénh han ke mũ vẽ.

• Nén venh ke 4:11

  Ũn ag tỹ ũn kãgter ja ag to: “ẽg tỹ ũn kãgter ja ag kamẽgmẽg ke nỹtĩ”, ke tĩ, ke tũg nĩn kỹ, “ẽg tỹ ag mré vĩ ke nỹtĩ, ag tỹ ẽg ajũna ke jé”, ke ag tóg tĩ. Hã ra ẽg tỹ Jeová tãvĩn mré vĩ ke nỹtĩ, kar ti mỹ vĩ há han. Jeová tỹ tỹ nén ũ kar hyn han fã nĩ, kar ti vỹ tỹ Topẽ pẽ pir nĩ.