“Sỹ nén kar han ve ki sóg ãjag tỹ ne venh ke ti tó ja nĩ, vãsỹ sóg ãjag tỹ ne venh ke ti tó ja nĩgtĩ.” — Isaías 46:10

Topẽ Vĩ Rá ne ẽg mỹ kãmén tĩ, nén ũ tỹ hãn ri ke tĩ ag to, kurã tỹ ẽgno to hã?

• Daniel 7:13, 14

  Prỹg tỹ 1914 kã, kanhkã tá, Topẽ tỹ Jesus tỹ tỹ Pãꞌi mág nĩ han mũ.

• Mateus 24:3-14

  Nén ũ kórég e tỹ hãn ri kenh ke mũ vẽ, ke tóg Jesus ti.

• Nén venh ke 12:7-9, 12

  Topẽ tỹ Jesus tỹ tỹ Pãꞌi mág nĩ han ke kar, Jesus vỹ kanhkã tá Satanás kutẽm mũ, kar tóg ga kri ti fón mũ. Kãnhmar Topẽ vỹ Nén-Kórég nĩfénh ke mũ, hã tugnĩn Satanás tỹ jũ jagy nĩ.

‘Ẽg tỹ ne ve kỹ ẽg ki kanhró nỹtĩnh mũ, nén kar tũg ke kurã ẽn ti?’ — Mateus 24:3

à hã mỹ, Topẽ Vĩ Rá tỹ nén tó tĩ ag mỹ hãn ri ke tĩ?

• Mateus 24:7; Lucas 21:11

  Ũri nén ũ jagy ag tỹ hãn ri ke kãfór tĩ, vẽnh e ag tỹ jagnẽ kato tẽgtẽ tĩ, vẽnh kar pi vãjãn nỹtĩ, ga tỹ ragra ke tỹ hãn ri ke tĩ, kar vẽnh kaga e vỹ nỹtĩ sir.

• 2 Timóteo 3:1-5

  Topẽ Vĩ Rá vỹ ẽg mỹ kãmén tĩ, kurã tỹ ẽgno to hã ũn ag vẽjykre to.

• Daniel 12:4

  Topẽ tỹ ti vẽnh e ve há han mũ, ag tỹ Topẽ Vĩ Rá ki kanhrãn há nỹtĩ jé.

• Mateus 24:14

  Topẽ vẽnh e tỹ ẽmã kar ki Topẽ Pãꞌi vĩ sér to kãmén mũ.

“Vãhãn kãtĩg, ẽg Senhor ti. Hã ra tóg ũ tỹ ẽg tỹ nén ũ péju tĩ kãtĩg ri ke nĩnh mũ.” — 1 Tessalônica 5:2

Ẽg tỹ kurã tỹ ẽgno to hã nỹtĩ, kỹ ã ne han ke nĩ?

• João 17:3

  Topẽ Vĩ Rá to kanhrãn vãsãn nĩ.

• Hebreu 10:24, 25

  Topẽ Vĩ Rá to kanhrãn kãfór nĩ, Jeová Kãmén Fã ag vẽnhmãn ki.

• Tiago 4:8

  Nén ũ kórég ag tugvãnh nĩ, ã tỹ Topẽ mré há tãvĩ nĩ jé.

• Lucas 21:34-36

  Nén ũ kar jo fẽg nĩ, Topẽ tũ ag ti. Ã tỹ Jeová mỹ rãnhrãj mũ vỹ nén ũ kar kãfór nĩ ke nĩ.