à tỹ nén ũ jagy kato tẽn kỹ, kar ã amigo tỹ ã ajũna ke tĩ, ã tỹ tag to há tĩ. Ũn ag vỹ ãkrén tĩ: “Topẽ tỹ inh amigo nĩn kỹ, ti tỹ inh ajũna ke mũ vã.” Tag tugnĩn, ag mỹ Topẽ pi ag amigo nĩ. Hã ra, Topẽ tỹ nén ũ e hyn han ja, ẽg mỹ, kar ti tỹ ver nén e hyn han ke mũ, ti tỹ ẽg nén ũ vẽnh mỹ ag kar ẽg vẽsỹrénh tỹ tũꞌ ke jé. Ti ne hyn han ke mũ?

Topẽ tỹ ũn tỹ nén ũ kórég e hyn han tĩ ti tỹ tũꞌ kenh mũ. Bíblia tỹ ũn tỹ nén ũ kórég e hyn han tĩ ãn to: “ẽprã ke ũ ag vỹ tỹ Satanás krẽm ke kar nỹtĩ.” (1 João 5:19) Jesus vỹ tó ja, Satanás to, Ga kri, ti tỹ “ũn mág” nĩ. (João 12:31) Satanás tỹ ẽprã ke ag kri ke nĩ, tag tugnĩn, vẽnh kar tỹ vẽsỹrinhrénh nỹtĩ, Ga kri. Topẽ ne han ke mũ, ti tỹ Satanás tỹ tũꞌ ke jé?

Jeová tỹ ũn tỹ “ẽg tén sór to tar nĩ” ãn ti “tỹ tũꞌ kenh ke mũ”, ti kósin Jesus Cristo tugrĩn. (Hebreu 2:14; 1 João 3:8) Bíblia vỹ ẽg mỹ ven tĩ, Nén Kórég tỹ ki kanhró tĩ, Topẽ tỹ ti tỹ tũꞌ kenh mũ kar “ti kurã vỹ kakó nĩ ha.” (Nén venh ke 12:12) Topẽ tỹ ũn jykre kórég ag tỹ tũꞌ kenh mũ gé.— Salmos 37:9; Provérbios 2:22.

Topẽ tỹ nén ũ kórég ag kar kókén kỹ, ti tỹ ti jykre ẽprã ke ag to kar Ga to han kãn ke mũ. Nén ũ há ag tỹ ne ẽg tỹ vigvenh ke mũ?

Kurã kar ki, vẽnh kar tỹ jatun mỹ nỹtĩnh mũ. “Ag jãvo ũ tỹ Topẽ hã ki ẽvãnh mũ ag tóg, Topẽ tỹ ag mỹ ga há ven ke ẽn ki jatun mỹ nỹtĩnh ke mũ. Ag mỹ tóg sér tĩnh ke mũ, nén ũ jagy ve mãn ke tũ ag tóg nĩ.”— Salmo 37:11.

Vẽnh kar tỹ vãjãn e nỹtĩnh mũ. “Vẽjẽn vỹ ẽg mỹ tũ henh ke tũ nĩ, ẽg jakré ag tỹ ẽg mỹ mogmog há han kỹ. Ẽg jagfãn ja tóg krĩ ri ke nĩnh ke mũ.”—Salmo 72:16.

Vẽnh kar tỹ ĩn há kar vẽnh rãnhrãj há nỹtĩnh mũ. “Ãjag tỹ ĩn han kỹ ãjag tóg krẽm nỹtĩnh mág han ke mũ ha, ãjag tỹ uva krãn ke kỹ ãjag tóg vĩjũ kron ke mũ ha. . . Kỹ tóg vẽnh kar mỹ há nĩnh ke mũ, kỹ ag tóg ag hã tỹ nén han ja venh ke mũ.”— Isaías 65:21, 22.

à mỹ nén ũ há tag ag ve sór tĩ? Kakó ti nĩ, kurã tỹ ẽg tỹ nén ũ há ãn ag ve jé.

Ũri, vẽnh kar tỹ vẽnh kaga kar kãgter nỹtĩ, hã ra, kãnhmar, Topẽ tỹ nén ũ há ag hyn han ke mũ, Jesus tỹ ẽg jagfy ter ja tugnĩn. Topẽ tỹ tag han ke mũ, vẽnh kar tỹ Jesus ki ge tĩ ag mỹ, ‘ãg tỹ tũꞌ he tũ nĩ jé, ag tỹ ẽg rĩr krỹg ja tũ ẽn ve jé.’ (João 3:16) Topẽ tỹ nén ũ há ag tỹ ne hyn han ke mũ?

Ti tỹ vẽnh kaga ag tỹ tũꞌ kenh mũ. ‘Ag vỹ kaga venh ke tũ nĩ, fag ke gé. Kỹ Topẽ vỹ ag tỹ ti vĩ mranh ja vẽnh pãte vãm ke mũ, fag mỹ ke gé.’— Isaías 33:24.

Ũn pi vẽsỹrénh mãn ke mũ, ũn ter mũ tugnĩn. ‘Jeová tóg ũ ter ke mũ tỹ tũgꞌ henh ke mũ gé. Ũ fỹ mũ kanẽ vár tỹ tũg henh ke ti mũ gé.’— Isaías 25:8.

Ũn pi hã re kã kãgter mãn ke mũ “Ti tỹ ẽg mỹ presente han hã vẽ, hã vỹ: ẽg tỹ ẽg rĩr krỹg ja tũ venh ke, he mũ, ẽg Senhor tỹ Jesus Cristo tugnĩn.”— Roma 6:23.

Ũn kãgter ja ag rĩnrĩr mãn ke mũ. “Ũn jykre kuryj ag rĩn mãn jé tóg ke mũ, ũn jykre pãno ag ke gé.” (Han kãme 24:15) Nén há tag tỹ hãn ri kenh mũ, Jesus tỹ ẽg jagfy ter ja tugrĩn.

Topẽ hã ren kỹ nén ũ há tag ag hyn han ke mũ?

Topẽ Pãꞌi tỹ, Topẽ tỹ ti jykre ẽprã ke ag to kar Ga to han kãn ke mũ. (Salmo 110:1, 2) Ti governo vỹ kanhkã tá nĩ, kar ti Pãꞌi Mág tỹ tỹ Jesus nĩ. Jesus vỹ tó ja, ẽg tỹ Topẽ mré vĩ jé, Topẽ Pãꞌi to. Ti vỹ ke tĩ: “Ẽg jóg mág, kanhkã tá ã tóg nĩ nĩ. . . Ẽg jé kãnhmar ã tỹ tỹ ẽg pãꞌi nĩ vé.”— Mateus 6:9, 10.

Topẽ Pãꞌi tỹ Ga kar tỹ rĩr kenh mũ, kar ti tỹ nén ũ jagy ag kar vẽsỹrénh ti tỹ tũꞌ kenh mũ. Topẽ Pãꞌi tỹ ẽprã ke pãꞌi ag há kãfór nĩ! Tag tugnĩn, Jesus tỹ Ga kri tĩ nĩn kã, ti tóg vãsãn mũ, ti tỹ vẽnh kar mỹ “Topẽ vĩ sér” to kãmén jé, kar ti tỹ ti nón mũnh fã ag mỹ tó ja, ag tỹ ge han tĩ gé.— Mateus 4:23; 24:14.

Jeová tỹ nén ũ há ãn ag hyn han ke mũ, ti tỹ ẽg to há tãvĩ tugnĩn. Tag tugnĩn, ẽg tỹ ti to kanhró mág sór tĩ kar ti mré há nỹtĩ sór tĩ gé. Ã tỹ ge han kỹ, tag vỹ ã mỹ há han ke mũ. Mỹ ne tugnĩn? Vẽnh rá kãtĩg ẽn kã tỹ tag to kãmén ke vẽ.