à tỹ Topẽ to kanhrãn há han kỹ, tag ne tugnĩn ã mỹ há han ke mũ?
Ẽg tóg ki kanhrãn mũ, ũn nỹ tỹ Topẽ ti to. Ẽg tóg vigvég mũ, Bíblia vỹ ẽg mỹ ven tĩ, ti jyjy tỹ tỹ Jeová nĩ, kar ti tỹ ẽg to há tãvĩ nĩ. Jo ẽg tỹ ki kanhrãn tĩ gé, ti ne hyn han ja to kar ti ne ẽg mỹ hyn han ke mũ to. Ẽg tỹ nén ũꞌũ ag ti to kanhrãn tĩ gé. Hã ra, hãn ri ke mũn, ã tỹ ãkrén tĩ: “Isỹ Topẽ to kanhrãn kỹ, tag ne tugnĩn inh mỹ há han ke mũ?”
Jeová tỹ ã mỹ tó tĩ, “ã tỹ ti to há nĩn kỹ tóg ã to há nĩnh ke mũ gé.” (1 Crônicas 28:9) Ã tỹ to vãsãn kỹ, ã tỹ ti to kanhrãn mág jé, ã tỹ nén ũ há tãvĩ gỹjỹ ke mũ— ã tỹ Topẽ mré há pẽ nĩnh mũ, ti tỹ ‘ã to há’ nĩnh mũ! (Salmo 25:14) Ã tỹ Topẽ mré há nĩn kỹ, nén ũ há tỹ ne ã mỹ kenh mũ?
à tỹ mỹ sér pẽ nĩnh mũ. Bíblia vỹ ke tĩ Jeová tỹ tỹ ‘mỹ há nĩ.’ (1 Timóteo 1:11) à tỹ Topẽ mré há nĩn kỹ, kar ã tỹ ti kãgran tĩn kỹ, ã saúde tỹ há nĩnh mũ, ã jykre kar ã corpo ki. (Salmo 33:12) à tỹ mỹ há nĩ gé, ã tỹ vẽjykre há hyn han kỹ, kar ã tỹ vẽjykre kórég tovãnh kỹ, kar ã tỹ jagnẽ mré há nĩn kỹ. à tỹ ũn tỹ vẽnh rá tỹ Salmo rán ja vỹ tó ja ãn, ã tỹ tónh ke mũ gé: “Inh mỹ sér tĩ, isỹ ã mré ã jykre mĩ tĩn kỹ.”— Salmo 73:28.
Topẽ tỹ ã to kanẽ jur kar ã ki rĩr ke mũ. Jeová tỹ ũn tỹ ti mỹ rãnhrãj tĩ ag mỹ tó ja: “Ãjag kanhrãn jé sóg ke mũ, ãjag mỹ isóg ẽpry há ven ke mũ, ãjag tỹ jagma mũ há han jé.” (Salmo 32:8) Jeová tỹ ũn tỹ ti mỹ rãnhrãj tĩ ag ki rĩr há han tĩ. (Salmo 139:1, 2) Ã tỹ Jeová mré há nĩn kỹ, ã tỹ ki kanhró tĩ, Jeová tỹ ã ki rĩr nĩgtĩ.
à tỹ rĩr krỹg ja tũ venh ke mũ. Ũri, Jeová tỹ ã kanhrãn tĩ, ã tỹ tĩg há han jé, kar ti tỹ ã ajũna ke tĩ gé, ã tỹ rĩr krỹg ja tũ ve jé. (Isaías 48:17, 18) Bíblia vỹ ke tĩ: “Ũ tỹ ã tỹ tỹ Topẽ nĩ ki kanhrãn mũ ẽn vỹ rĩr krỹg ja tũ venh ke mũ, ũ tỹ ã to: ‘Topẽ ũ vỹ tũ nĩ,’ he mũ kar ag, fag kar ke gé. Kỹ ag tóg, isỹ tỹ Jesus Cristo nĩ ki kanhró nỹtĩ gé, ã hã tỹ inh jẽnẽ ẽn ki.” (João 17:3) Ũri, nén ũ jagy e vỹ nỹtĩ, hã ra ẽg tỹ ẽg rĩnrĩr krỹg ja tũ to jykrén kỹ, tag vỹ “ẽg tar han tĩ.”— Hebreu 6:19.
Nén ũ tag ag vỹ ẽg mỹ ven tĩ, ẽg tỹ Topẽ mré há nỹtĩn kỹ, tag ne tugnĩn ẽg mỹ há han tĩ ti. Hã ra, nén ũꞌũ ag vỹ ẽg ajũna ke tĩ gé. Ã tỹ tag to kanhrãn sór kỹ, Jeová Kãmén Fã ũ mré vãmén nĩ, ke tũ nĩn kỹ www.pr418.com vem nĩ.
