à tỹ ũn ki kanhrãn sór kỹ, ã tỹ ti mỹ: “Hã re nỹ ã jyjy ti?”, ke tĩ. Ha to ãkrén nĩ, ã tỹ Topẽ mỹ: “Hã re nỹ ã jyjy ti?”, ken kỹ, ti ne ã mỹ kenh mũ vã?

“Jeová vỹ tỹ inh nĩ, inh jyjy hã vẽ.”— Isaías 42:8, TNM.

Topẽ mỹ ti jyjy vỹ tỹ nén ũ há nĩ. Ũn pi tỹ Topẽ jyjy kuprãg ja. Jeová hã vỹ ti jyjy kuprãg mũ. Ti vỹ tó ja: ‘Inh jiji tag tóg tũ henh’ ke tũ pẽ nĩ. Ãjag krẽ krẽ ag tóg ver inh jiji tag tónh ke mũ’. (Êxodo 3:15) Bíblia kã ki, Topẽ jyjy vỹ vẽnh ven título ũꞌũ Pãꞌi Mág, Jóg, Senhor kar Topẽ kãfór nĩ. Kar ti tỹ vẽnh ven jyjy tỹ Abraão, Moisés, Davi kar Jesus kãfór nĩ gé. Kar sir, Jeová tỹ vẽnh kar tỹ ti jyjy ki kanhró tĩ ve sór tĩ. Bíblia vỹ ke tĩ: ‘Ã hã ne tỹ ã to jykrén tĩ, ã tỹ tỹ Topẽ nĩ tag, Jeová. Ã hã ne ã pin kỹ tỹ vẽnh kar kri ke nĩꞌ, ã hã ne tỹ vẽnh kar pãꞌi nĩꞌ, ga tag kri.’— Salmo 83:18.

Jesus mỹ Topẽ jyjy vỹ tỹ nén ũ há nĩ. Jesus tỹ ti nón mũnh fã ag kanhrãnrãn tĩn kỹ, ag tỹ Topẽ mré vĩ jé, ti vỹ tó ja: “Ã jiji tó ẽg tóg tĩ, kỹ vẽnh kar jé ã tỹ tỹ ũn mág nĩ vé.” (Mateus 6:9) Kar sir Jesus tỹ Topẽ mỹ ke ja: ‘Vẽnh kar mỹ ven nĩ, ã jyjy tỹ tỹ mág nĩ.’ (João 12:28) Jesus tỹ vãsãn tĩ vã, ti tỹ Topẽ jyjy mỹ vĩ há han jé. Kỹ ti tỹ Topẽ mỹ ke ja: ‘Ag mỹ sóg ã jyjy kãmén huri, kỹ sóg fag mỹ ã jyjy kãmén mãn ke mũ gé.’— João 17:26.

Ũn tỹ Topẽ mỹ rãnhrãj tĩ ag mỹ Topẽ jyjy vỹ tỹ nén ũ há nĩ. Vãsỹ, ũn tỹ Topẽ mỹ rãnhrãj tĩ ag vỹ ki kanhrãn tĩ vã, Topẽ jyjy vỹ ag mỹ há nĩ. Gen kỹ, Topẽ tỹ ag jy nĩgãn kar ag krenkren han ke mũ vã. Bíblia vỹ  ke tĩ: ‘Jeová jiji tóg, ẽg mỹ torre tar ri ke nĩ, ũ tỹ vẽnh jykre há han mũ ag tóg, ra mũn kỹ tá jatun mỹ nỹtĩ nĩ.’ (Provérbios 18:10) Ti vỹ ke tĩ gé: ‘Ũ tỹ Jeová mỹ, inh mỹ nén kar hyn han nĩ ke mũ vỹ kren kren ke mũ ha.’ (Joel 2:32) Kar sir Bíblia vỹ ẽg kanhrãnrãn tĩ gé, ũn tỹ Topẽ mỹ rãnhrãj tĩ ag tỹ Topẽ jyjy tugtó ke mũ vã: ‘Ũ ag tóg ag topẽ ag to há nỹtĩ, hã ra ẽg tóg ẽg Jeová to há nỹtĩ, ẽg Topẽ to. Ti hã vỹ tỹ ẽg Topẽ nĩ, ti vĩ hã han jé ẽg tóg ke mũ ha.’— Miqueias 4:5; Han kãme 15:14.

Topẽ jyjy tỹ ẽg mỹ ven tĩ nén kar ti to, kar nén kar ti tỹ han tĩ. Ũn tỹ Topẽ jyjy to kanhrãnrãn há han tĩ ag vỹ ki kanhró tĩ, vẽnh jyjy tag to ken hã vẽ hã vỹ “ti tỹ nén ũ han to jykrén kỹ tóg nén ũ ẽn han kãn nĩ ti” ke mũ. Jeová hã vỹ tóg Moisés mỹ: “Isỹ nén ũ han to jykrén kỹ tóg nén ũ ẽn han kãn nĩ ti”. (Êxodo 3:14, TNM). Kỹ Topẽ jyjy tỹ ẽg kanhrãnrãn tĩ, Topẽ tỹ nén kar hyn han kãn tĩ vẽ. Kar ti tỹ vẽsỹ nén kar tỹ ti mỹ há nĩ ãn han tĩ, kar ti tỹ nén kar hyn han ja ag tỹ vẽsỹ nén tỹ ti mỹ há nĩ ãn han tĩ, ti tỹ ti vĩ han kãn jé. Topẽ título ag vỹ ẽg mỹ ven tĩ, Jeová tỹ tỹ pãꞌi mág kãfor nĩ, hã ra Jeová jyjy tãvĩn ven kãn tĩ, ti to kar ti tỹ vẽsỹ nén ũ han tĩ to.

Topẽ jyjy tỹ ẽg mỹ ven tĩ, ti tỹ ẽg mré há nĩ sór tĩ. Jeová jyjy ti significado ti tỹ ẽg mỹ ven tĩ, Jeová tỹ ti tỹ nén kar hyn han nĩ ja ãn to kanẽ jur tĩ, kar ti tỹ ẽg to kanẽ jur tĩ gé. Jeová tỹ ẽg mỹ ti jyjy kanhrãnrãn tĩ, kỹ tag vỹ ẽg mỹ ven tĩ, ti tỹ ẽg mré há nĩ sór tĩ. Kar sir ti tỹ ẽg mỹ ti jyjy to kãmén vén tĩ. Nén ũ tag ag vỹ ẽg mỹ ven tĩ, ti pi ẽg kuvar há nĩ, ti tỹ ẽg tỹ ti mré há nỹtĩ ve sór tĩ, ti tỹ ẽg rã jẽ nĩ.— Salmo 73:28.

Ẽg tỹ Topẽ jyjy tugtó kỹ, ẽg tỹ ti mỹ ven tĩ, ẽg tỹ ti amigo nỹtĩnh sór tĩ. Ha to ãkrén nĩ, ã tỹ ũn mré há sór tĩ, kỹ ã tỹ ti mỹ ã jyjy ke tĩ, hã ra ti pi ã jyjy tugtó sór tĩ. Ã ne tag to jykrén mũ vã? Hẽn ri ke mũn ã tỹ ãkrén tĩ: “ti pi tỹ inh amigo nĩ sór tĩ”. Tag hã ri ke, Jeová tỹ ti jyjy ẽg kanhrãnrãn tĩ, kar ti tỹ ẽg tỹ ti jyjy tugtó ve sór tĩ. Ẽg tỹ jyjy tag tó kỹ, ẽg tỹ Jeova mỹ ven tĩ, ẽg tỹ ti amigo nỹtĩnh sór tĩ. Kar sir ũn tỹ ti jykre kã ki “Topẽ jyjy to jykrén kỹ”, Jeová tỹ tag vég tĩ.— Malaquias 3:16, TNM, ha vé vẽnh rá sĩ ti.

Ẽg tỹ Topẽ jyjy kanhrãnrãn kỹ, tag vỹ ẽg ajũna ke tĩ, ẽg tỹ Topẽ to kanhrãn há han jé, hã ra ẽg tỹ vãsãnsãn ke nỹtĩ, ẽg tỹ Jeová tỹ nén ũ há e ki há nĩ to kanhrãn há han jé.