à mỹ Topẽ ki kanhró há tĩ?
Ũn e ag tỹ Topẽ kri fig tĩ. Hã ra ã tỹ ag mỹ: “Ũn nỹ tỹ Topẽ ti?” ken kỹ, ag tỹ jykre tỹ ũꞌ ag nỹtĩ, tag to. Ũn ag tỹ ãkrén tĩ, Topẽ tỹ tỹ juiz jũ ri ke nĩ, ũn tỹ kygnẽ han kỹ, ti tỹ ag vóg kónãn sór tĩ. Ũnꞌũ ag vỹ ãkrén tĩ, ag tỹ kygnẽ e hyn han kỹ, tag pi Topẽ mỹ kórég han tĩ kar ti tỹ ag vẽnh pãte fón ke mũ. Ũnꞌũ ag vỹ ãkrén tĩ gé, Topẽ tỹ ag kuvar há nĩ, kar ti pi ag to kanẽ jur tĩ. Jykre tỹ ũꞌ ag tỹ nỹtĩ, tag tugnĩn, ag tỹ ãkrén tĩ, ag pi hã re kã Topẽ to ki kanhrãn há han ke mũ.
à tỹ Topẽ to ki kanhrãn há han kỹ, tag mỹ ã mỹ há han ke mũ hãn? Háv. à tỹ Topẽ to kanhrãn há han kỹ, tag vỹ ã ajũna ke tĩ, ã tỹ ne tugnĩn ã vỹ nĩ ti to ki kanhró jé. (Han kãme 17:26-28) à tỹ ge han kỹ, ti tỹ ã to há mág kar ti tỹ ã ajũna kenh mũ. (Tiago 4:8) Kar sir, ã tỹ rĩr krỹg ja tũ venh ke mũ gé. — João 17:3.
à ne han ke nĩ, ã tỹ Topẽ to ki kanhrãn há han jé? Ha to ãkrén nĩ, ã amigo pẽ to. Ãjag ne hyn han ja, ãjag tỹ mré há nỹtĩ jé? à tóg ti jyjy ki kanhrãn mũ, ã tóg ti ki nén ũ e ki há nĩ vég mũ, ã tóg ti tỹ nén ũ to há tĩ ag kar ti tỹ nén ũ to kry tĩ ag ki kanhrãn mũ gé, ti tỹ nén hyn han ja ãn ag kar ti tỹ nén hyn han ke mũ ãn ag ã tóg ki kanhrãn mũ gé. Kỹ, ne nỹ ã ajũna ké, ãjag tỹ jagnẽ mré há nỹtĩ jé? à tóg ti to ki kanhrãn há han mũ.
Tag hã ri ke, ẽg tỹ nén ũ tag ag to kanhrãnrãn ke nỹtĩ, ẽg tỹ Topẽ to ki kanhrãn há han jé:
Revista tag tỹ ẽg mỹ ven ke mũ, Bíblia ne nén ũ ãn ag to kãmén tĩ. Vẽnh rá ag kãmũ ẽn kã, ã ajũna ke vẽ, ã tỹ Topẽ to kanhrãn jé, kar ã tỹ venh ke mũ gé, ã tỹ ti mré há nĩn kỹ, tag vỹ ã mỹ há han ke mũ.
