Thĩinĩ wa Bibilia, kiugo gĩa Kĩngiriki kĩrĩa rĩmwe gĩtaũragwo “kanitha” kĩaragia ũhoro wĩgiĩ gĩkundi kĩa andũ mathathayagia hamwe no ti nyũmba ĩrĩa macemanagĩria rĩrĩa mareka ũguo.

 Ta rora ngerekano ĩno: Hĩndĩ ĩrĩa mũtũmwo Paulo aandĩkĩire Akristiano a Roma marũa, nĩ aatũmire ngeithi kũrĩ andũ meetagwo Akila na Pirisila. Aacokire akĩongerera ũũ: “O naguo kanitha ũrĩa ũcemanagia nyũmba-inĩ yao, ũgeithiei.” (Aroma 16:5, The Bible in Gikũyũ) Hatarĩ nganja Paulo ndaatũmaga ngeithi icio kũrĩ nyũmba ĩyo maacemanagĩria. Handũ ha ũguo aatũmaga ngeithi icio kũrĩ andũ kana kĩũngano kĩrĩa gĩacemanagia nyũmba-inĩ ĩyo. a

 Kwoguo, handũ ha gwĩta nyũmba ĩrĩa tũthathayagĩria kanitha tũmĩtaga “Nyũmba ya Ũthamaki.”

 Rĩĩtwa rĩu nĩ rĩagĩrĩire nĩ ũndũ wa itũmi cigana ũna:

•   Tũcemanagĩria nyũmba-inĩ kana handũ ha gũthathaĩria.

•   Tũcemanagia nĩguo tũthathaiye Ngai ũrĩa warĩrĩirio Bibilia-inĩ na tũrute ũira ũmwĩgiĩ.—Thaburi 83:18; Isaia 43:12.

•   Ningĩ rĩrĩa tũcemanĩtie nĩ twĩrutaga ũhoro wĩgiĩ Ũthamaki wa Ngai, ũrĩa Jesu aaragĩrĩria maita maingĩ.—Mathayo 6:9, 10; 24:14; Luka 4:43.

 Nĩ ũranyitwo ũgeni Nyũmba-inĩ ya Ũthamaki ĩrĩa ĩrĩ hakuhĩ nawe nĩguo wĩyonere ũrĩa Aira a Jehova mekaga hĩndĩ ĩrĩa macemanĩtie hamwe nĩ ũndũ wa ũthathaiya.