Aca. Mamilioni maingĩ ma andũ arĩa maatũũraga tene na matiarĩ Aira a Jehova nĩ magakorũo na mweke wa kũhonokio. Bibilia ĩtaaragĩria atĩ thĩinĩ wa thĩ njerũ ya Ngai nĩ “gũkariũkio andũ arĩa athingu o na arĩa matarĩ athingu.” (Atũmwo 24:15) Kuongerera ũguo, aingĩ arĩa marĩ muoyo ũmũthĩ no mambĩrĩrie gũtungatĩra Ngai, na o nao nĩ makaahonokio. O na kũrĩ ũguo-rĩ, ti wĩra witũ gũtua cira nĩ a makaahonokio na nĩ a matakaahonokio. Ũcio nĩ wĩra wa Jesu.—Johana 5:22, 27.